മക്ക: മക്കയില്‍ ഒരാള്‍ മിന്നലേറ്റ് മരിച്ചു. 38 കാരിയായ സൗദി പൗരയാണ് വാദി നുഅ്മാനില്‍ വെച്ച് മിന്നലേറ്റ് മരിച്ചതെന്നാണ് റിപ്പോര്‍ട്ടുകള്‍. ബുധനാഴ്ചയായിരുന്നു സംഭവം. പ്രദേശിക മാധ്യമങ്ങളാണ് ഇക്കാര്യം റിപ്പോര്‍ട്ട് ചെയ്തത്. മക്കയിലെ മസ്ജിദുല്‍ ഹറമിലും പരിസരങ്ങളിലുമുണ്ടായ ശക്തമായ മഴയും ഇടിമിന്നലും വ്യക്തമാക്കുന്ന വീഡിയോകളും പ്രദേശിക മാധ്യമങ്ങള്‍ പ്രസിദ്ധീകരിച്ചിട്ടുണ്ട്.
https://www.instagram.com/p/BpVGC72nmbk
യുവതിയ്ക്ക് ഒപ്പമുണ്ടായിരുന്ന ഇവരുടെ ഭര്‍ത്താവാണ് അധികൃതരെ ഫോണില്‍ ബന്ധപ്പെട്ട് വിവരം അറിയിച്ചത്. പിന്നീട് ആശുപത്രിയില്‍ എത്തിച്ച് മരണം സ്ഥിരീകരിച്ചു. മരണത്തില്‍ അസ്വഭാവികത ഇല്ലെന്ന് ഉറപ്പുവരുത്തുന്നതിനായി പൊലീസ് അന്വേഷണം ആരംഭിച്ചു
Post Your Comments