ആലപ്പുഴ: ആലപ്പുഴയില്‍ കണ്ടെയ്നര്‍ ലോറിയിലിടിച്ച് അപകടം. വ്യാഴാഴ്ച അര്‍ധരാത്രിയായിരുന്നു അപകടം നടന്നത്. നഗരത്തിനടുത്ത് കൈതവന ജംങ്ഷനില്‍ കണ്ടെയ്നര്‍ ലോറിയിലിടിച്ചുണ്ടായ അപകടത്തില്‍ കാര്‍ കത്തിനശിച്ചു. ചങ്ങനാശേര-ആലപ്പുഴ റോഡില്‍ നിന്നുമെത്തിയ കണ്ടെയ്നര്‍ ലോറിയില്‍ കാര്‍ വന്നിടിക്കുകയായിരുന്നു. ലോറിയുടെ ഡീസല്‍ ടാങ്കിന്റെ ഭാഗത്താണ് കാര്‍ വന്നിടിച്ചത്. ഉടന്‍ തന്നെ കാറിന് തീപിടിച്ചു. അതേസമയം രണ്ടുപേരാണ് കാറില്‍ ഉണ്ടായിരുന്നത്. ആര്‍ക്കും കാര്യമായി പരുക്കില്ലെന്നാണ് റിപ്പോര്‍ട്ട്.
Post Your Comments