സുധിയും മീനുക്കുട്ടിയും ഒരുകാലത്ത് മലയാളി പ്രേക്ഷകരുടെ മനസ്സില്‍ പ്രണയം വിതറിയ ഇഷ്ട ജോഡികളായിരുന്നു. വേണുനാഗവള്ളി സംവിധാനം ചെയ്ത സൂപ്പര്‍ ഹിറ്റ് ചിത്രങ്ങളില്‍ ഒന്നായ ‘ഏയ്‌ ഓട്ടോ’ നിരവധി പ്രശസ്ത സിനിമള്‍ക്കൊപ്പം പിടിച്ചു നിന്നാണ് അര്‍ഹിച്ച വിജയം നേടിയെടുത്തത്.
‘അക്കരെ അക്കരെ അക്കരെ’, ‘നമ്പര്‍ 20 മദ്രാസ് മെയില്‍’, ‘കടത്താനാടന്‍ അമ്പാടി’ തുടങ്ങിയ വമ്പന്‍ ചിത്രങ്ങള്‍ക്കൊപ്പം റിലീസ് ചെയ്താണ് ‘ഏയ്‌ ഓട്ടോ’ അത്ഭുതപൂര്‍വ്വമായ വിജയം നേടിയെടുത്തത്. ആ വര്‍ഷത്തെ മോഹന്ലാലിന്റെ ഏറ്റവും മികച്ച കളക്ഷന്‍ നേടിയ ചിത്രമായി ഏയ്‌ ഓട്ടോ മാറുകയും ചെയ്തു. സുധിയും മീനുക്കുട്ടിയും തമ്മിലുള്ള പ്രണയരസമാണ് അതിനു കാരണമായത്, മോഹന്‍ലാലും നടി രേഖയും തന്മയത്വത്തോടെ സ്കീനില്‍ നിറഞ്ഞപ്പോള്‍ മലയാളികള്‍ക്ക് ലഭിച്ചത് അനുരാഗത്തിന്റെ പുതുസ്പര്‍ശമായിരുന്നു.
മോഹന്‍ലാലുമായുള്ള ഒരു ടോക് ഷോയ്ക്കിടെ ചിത്രത്തിന്‍റെ വിശേഷങ്ങള്‍ പങ്കുവെയ്ക്കവെ നടി രേഖ മോഹന്‍ലാലിനൊടോപ്പമുള്ള അഭിനയ നിമിഷത്തെക്കുറിച്ച് വാചാലയായി.
“മോഹന്‍ലാല്‍ ആക്ടിംഗ് നിഷ്കളങ്കമാണ്, വലിയ വീട്ടിലെ കുട്ടിയെ സുധി സ്നേഹിക്കുമ്പോള്‍ അതിനോടൊപ്പം പ്രേക്ഷകരും ആ കഥാപാത്രത്തെ സ്നേഹിച്ചു പോകും, അത് ലാല്‍ സാറിന്റെ അഭിനയത്തിന്റെ മിടുക്കാണ്, ഞാനും ലാല്‍ സാറും തമ്മില്‍ മൂന്നോ നാലോ സിനിമകള്‍ ചെയ്തെങ്കിലും ഈ സിനിമയ്ക്ക് എന്തോ ഒരു മാജിക് ഉണ്ട് അത് എന്താണെന്ന് ഇന്നും അറിയില്ല”.
‘ആ മാജിക് നിങ്ങളാണ്’, എന്നായിരുന്നു രേഖയോടുള്ള മോഹന്ലാലിന്റെ മറുപടി.
1990-ല്‍ പുറത്തിറങ്ങിയ ‘ഏയ്‌ ഓട്ടോ’യുടെ സംവിധാനം രചനയും നിര്‍വഹിച്ചത് വേണുനാഗവള്ളിയായിരുന്നു. മണിയന്‍പിള്ള രാജു നിര്‍മിച്ച ചിത്രത്തില്‍ നിരവധി പ്രമുഖ താരങ്ങളും അഭിനയിച്ചിരുന്നു. ഓട്ടോറിക്ഷ തൊഴിലാളികള്‍ക്കിടയിലെ സരസമായ ജീവിത നിമിഷങ്ങള്‍ പ്രേക്ഷകരെ ഇഷ്ടപ്പെടുത്തുന്ന വിധമാണ് വേണുനാഗവള്ളി ആവിഷ്കരിച്ചത്.
Post Your Comments