ചെന്നൈ: ശബരിമല യുവതി പ്രവേശനത്തിനെ അനുകൂലിച്ചും പ്രതികൂലിച്ചും വാദങ്ങൾ ഉയരുന്നതിനിടെ വിഷയവുമായി ബന്ധപ്പെട്ട ഒരു മ്യൂസിക്കൽ വീഡിയോ വൈറലാകുന്നു. ഒരു കൂട്ടം തമിഴ് യുവതികളാണ് വീഡിയോ ഒരുക്കിയിരിക്കുന്നത്. ഗോഡ്സ് ഓൺ കൺട്രി ലേഡീസ് നോ എൻട്രി എന്ന പേരിലാണ് ഗാനം പുറത്തിറക്കിയിരിക്കുന്നത്. ഞങ്ങൾ അമ്പലത്തെ മലിനമാക്കും. ദൈവത്തെ രക്ഷിക്കാൻ ഞങ്ങളെ തടയണം എന്നു തുടങ്ങുന്നു ഈ പാട്ടിലെ വരികൾ. ദൈവത്തിന്റെ നാട്ടിൽ സ്ത്രീകൾക്ക് പ്രവേശനമില്ല. ഇതിനെന്ത് ന്യായം പറയുമെന്ന് വീഡിയോയിലൂടെ യുവതികൾ ചോദിക്കുകയാണ്. എല്ലാ കാര്യങ്ങൾക്കും സ്ത്രീകൾ വേണം. പക്ഷേ അമ്പലത്തിലെത്തുമ്പോൾ മാത്രം അവർ അയിത്തമുള്ളവരാകുന്നുവെന്നും, മേൽ വസ്ത്രം ധരിച്ചതിന് സ്ത്രീകളുടെ മുലകളരിയുകയും, മുലക്കരം ചാർത്തുകയും ചെയ്ത നാടിന്റെ പാരമ്പര്യമാണോ നിങ്ങൾ പറയുന്നതെന്നും അവർ ചോദിക്കുന്നു. അതേസമയം വീഡിയോയ്‌ക്കെതിരെ വിമർശനവുമായി നിരവധി പേരാണ് രംഗത്തെത്തിയിരിക്കുന്നത്.
Post Your Comments