അപകടം; കെ.എസ്.ആർ.ടി.സി. ബസും സ്വകാര്യ ബസും കൂട്ടിയിടിച്ചു

കൊട്ടിയം : തട്ടാമല ജങ്‌ഷനിൽ ദേശീയപാതയിൽ വെച്ച് സ്വകാര്യ ബസും കെ.എസ്.ആർ.ടി.സി. ബസും കൂട്ടിയിടിച്ചു. അപകടത്തിൽ ആർക്കും പരിക്കില്ല .

കൊല്ലം സിവിൽ സ്റ്റേഷനിലേക്ക് ചടയ മംഗലത്തുനിന്ന്‌ വരികയായിരുന്ന കെ.എസ്.ആർ.ടി.സി. ബസും തങ്കശ്ശേരിയിൽനിന്ന്‌ മയ്യനാട്ടേക്ക് പോകുകയായിരുന്ന ബസുമാണ് കൂട്ടിയിടിച്ചത്.

ഇരു ബസുകളുടെയും മുൻവശം ഇടിയുടെ ആഘാതത്തിൽ തകർന്നു. കെ.എസ്.ആർ.ടി.സി. ബസിന്റെ ഡ്രൈവറുടെ ഭാഗമാണ് തകർന്നത്. ദേശീയപാതയിൽ അപകടത്തെത്തുടർന്ന് ഗതാഗതവും തടസ്സപ്പെട്ടു.