ആവേശകരമായ മത്സരത്തിനൊടുവില്‍ ഇന്ത്യ- വിന്‍ഡീസ് പോരാട്ടം സമനിലയിൽ

വി​ശാ​ഖ​പ​ട്ട​ണം: ആവേശകരമായ മത്സരത്തിനൊടുവില്‍ ഇന്ത്യ- വിന്‍ഡീസ് പോരാട്ടം സമനിലയിൽ. ഇന്ത്യ ഉയര്‍ത്തിയ 322 റണ്‍സ് വിജയലക്ഷ്യം പിന്തുടര്‍ന്ന വിന്‍ഡിസിന് നിശ്ചിത ഓവറില്‍ ഏഴ് വിക്കറ്റ് നഷ്ടത്തില്‍ 321 റണ്‍സെടുക്കാനേ സാധിച്ചുള്ളൂ. സെഞ്ച്വറി നേടിയ ഷെയ്‌ഹോപിന്റെയും (123), അര്‍ദ്ധസെഞ്ച്വറി നേടിയ കഴിഞ്ഞ കളിയിലെ സെഞ്ച്വറി വീരന്‍ ഹെട്മെയറും (94) ആണ് വിന്‍ഡീസിന് സമനില നേടിക്കൊടുത്തത്.

ഉ​മേ​ഷ് യാ​ദ​വ് എ​റി​ഞ്ഞ ഓ​വ​റി​ലെ അ​വ​സാ​ന പ​ന്തി​ല്‍ ജ​യി​ക്കാ​ന്‍ അ​ഞ്ചു റ​ണ്‍​സ് ആ​വ​ശ്യ​മാ​യി​രു​ന്ന വി​ന്‍​ഡീ​സി​നാ​യി ഹോ​പ്പി​ന് ബൗ​ണ്ട​റി മാ​ത്ര​മാ​ണ് നേ​ടാ​ന്‍ ക​ഴി​ഞ്ഞ​ത്. 134 പ​ന്തി​ല്‍ 123 റ​ണ്‍​സു​മാ​യി ഹോ​പ് പു​റ​ത്താ​കാ​തെ​നി​ന്നു. ഒപ്പം ഷായി ഹോപ്പും ബാറ്റ് വീശി ഇന്നിംഗ്സിന്റെ അവസാനം വരെ പൊരുതി നിന്നപ്പോള്‍ വിന്‍ഡീസ്ഇന്ത്യയുടെ ലീഡ് ഒന്നാക്കി നിലനിര്‍ത്തുവാന്‍ സാധിച്ചു. കീ​റോ​ണ്‍ പ​വ​ല്‍ (18), ഹേം​രാ​ജ് (32), മ​ര്‍​ലോ​ണ്‍ സാ​മു​വ​ല്‍​സ് (13), പ​വ​ല്‍ (18), ഹോ​ള്‍​ഡ​ര്‍ (12), ന​ഴ്സ് (5) എ​ന്നി​ങ്ങ​നെ​യാ​ണ് മ​റ്റു ബാ​റ്റ്സ്മാ​ന്‍​മാ​രു​ടെ സം​ഭാ​വ​ന. ഇ​ന്ത്യ​ക്കാ​യി കു​ല്‍​ദീ​പ് യാ​ദ​വ് മൂ​ന്നു വി​ക്ക​റ്റ് നേ​ടി.