തിരുവനന്തപുരം: ശബരിമല വിഷയത്തിൽ പ്രതികരണവുമായി സീതാറാം യെച്ചൂരി. കേരളത്തില്‍ കോണ്‍ഗ്രസ്സും ബിജെപിയും വോട്ടു ബാങ്ക് രാഷ്ട്രീയം കളിക്കുന്നുവെന്നും വിഷയത്തില്‍ സര്‍ക്കാര്‍ ഉചിതമായ നടപടി സ്വീകരിക്കുമെന്നും അദ്ദേഹം പറഞ്ഞു. അതേസമയം ശബരിമല സ്ത്രീ പ്രവേശന വിഷയത്തില്‍ വലിയ കലാപ നീക്കത്തിനുള്ള സൂചന അറിഞ്ഞതോടെയാണ് ഇടപെട്ടതെന്ന് ദേവസ്വം മന്ത്രി കടകംപള്ളി സുരേന്ദ്രന്‍ അറിയിച്ചു.
ഇന്ന് രാവിലെ മാധ്യമപ്രവര്‍ത്തക കവിതയും കൊച്ചി സ്വദേശി രഹന ഫാത്തിമയും കഴക്കൂട്ടം സ്വദേശി മേരി സ്വീറ്റിയുമാണ് ശബരിമല ദര്‍ശനത്തിനായി എത്തിയത്. അവര്‍ പതിനെട്ടാംപടി ചവിട്ടിയാൽ സംഘര്‍ഷം സംസ്ഥാനമാകെ വ്യാപിപ്പിക്കാനുള്ള നീക്കവുമുണ്ടായിരുന്നു. തുടര്‍ന്നാണ് സന്നിധാനത്ത് രക്തചൊരിച്ചിലുണ്ടാക്കി മുതലെടുക്കാന്‍ നോക്കുന്നവര്‍ക്ക് ഒപ്പം നില്‍ക്കേണ്ട ബാധ്യത സര്‍ക്കാരിനില്ലെന്ന് മന്ത്രി ഫേസ്ബുക്കില്‍ കുറിച്ചത്.
Post Your Comments