നാമജപയാത്രയുടെ പേര് പറഞ്ഞ് അക്രമം നടത്തുമെന്ന് കരുതിയില്ല; പ്രതിഷേധക്കാര്‍ക്കെതിരെ വിമര്‍ശനവുമായി അയ്യപ്പ ഭക്തര്‍

ശബരിമല: ശബരിമലയിലെ സ്ത്രീ പ്രവേശനവുമായി ബന്ധപ്പെട്ട് പ്രതിഷേധം നടത്തിയവർക്കെതിരെ വിമര്‍ശനവുമായി അയ്യപ്പഭക്തർ. നാമജപയാത്രയുടെ പേര് പറഞ്ഞ് അക്രമം നടത്തുമെന്ന് പ്രതീക്ഷിച്ചില്ലെന്നും ഇന്ന് നടന്നത് വളരെ മോശം സംഭവമായി പോയെന്നും വിശ്വാസികൾ പറയുകയുണ്ടായി. വാഹനങ്ങള്‍ കടത്തിവിടാതെയായിരുന്നു പ്രക്ഷോഭം നടന്നത്. കെഎസ്‌ആര്‍ടിസി ബസിന് നേരെ കല്ലേറ് നടന്നു. നിലയ്ക്കലില്‍സംഭവങ്ങള്‍ ഇത്ര അക്രമാസക്തമാകുന്നത് സാധാരണക്കാരെ കഷ്ടപ്പെടുത്തുന്നതാണെന്നും കല്ലമ്പലത്തുനിന്നും ആറ്റിങ്ങലില്‍ നിന്നും തുലാമാസം പൂജകള്‍ക്കായി ശബരിമലയിലെത്തിയ വിശ്വാസികൾ പറയുകയുണ്ടായി.