കാ​ണി​ക്ക ബ​ഹി​ഷ്ക​രി​ക്കൽ :ഗുരുവായൂര്‍ ഭണ്ഡാര വരവില്‍ മുക്കാൽ കോടി രൂപയുടെ കുറവ്

തൃശൂര്‍: ഗുരുവായൂര്‍ ക്ഷേത്രത്തിലെ ഭണ്ഡാര വരവില്‍ കുറവ് പ്രകടമായി. 30189191 രൂപയും രണ്ടുകിലോ 494 ഗ്രാം 300മില്ലിഗ്രാം സ്വര്‍ണവും 13കിലോ വെള്ളിയും ലഭിച്ചു. 132000 രൂപയുടെ നിരോധിത നോട്ടുകളും ഉണ്ടായിരുന്നു.

മുന്‍ മാസത്തെ അപേക്ഷിച്ച്‌ 75ലക്ഷത്തിലധികം രൂപയുടെ കുറവാണ് ഇത്തവണ പ്രകടമായത്. സാധാരണ ഒരുമാസത്തെ ഭണ്ഡാരം എണ്ണിത്തിട്ടപ്പെടുത്താന്‍ പത്ത് ദിവസത്തിലധികം സമയമെടുക്കാറുണ്ടെന്നിരിക്കെ ഇത്തവണ ഭണ്ഡാരമെണ്ണല്‍ ആറുദിവസത്തിലൊതുങ്ങി. ശ​ബ​രി​മ​ല യു​വ​തീ​പ്ര​വേ​ശ​ന വി​ഷ​യ​വു​മാ​യി ബ​ന്ധ​പ്പെ​ട്ടാ​ണു കാ​ണി​ക്ക ബ​ഹി​ഷ്ക​രി​ക്കാ​ൻ സം​ഘ് പ​രി​വാ​ർ സം​ഘ​ട​ന​ക​ൾ ആ​ഹ്വാ​നം ചെയ്ത​​ത്.

ഇ​തേ​ത്തു​ട​ർ​ന്നു തി​രു​വി​താം​കൂ​ർ ദേ​വ​സ്വം ബോ​ർ​ഡി​ന്‍റെ കീ​ഴി​ലു​ള്ള ക്ഷേ​ത്ര​ങ്ങ​ളി​ലെ കാ​ണി​ക്ക​വ​ഞ്ചി​ക​ളി​ൽ ഭ​ക്ത​ർ സ്വാ​മി ശ​ര​ണം എ​ന്നു രേ​ഖ​പ്പെ​ടു​ത്തി​യ ക​ട​ലാ​സ് തു​ണ്ടു​ക​ൾ നി​ക്ഷേ​പി​ച്ചി​രു​ന്നു. കഴിഞ്ഞവര്‍ഷം ഇതേ കാലയളവില്‍ അഞ്ചുകോടിക്കു മുകളില്‍ ഭണ്ഡാര വരവുണ്ടായിരുന്നുവെന്നതും താരതമ്യ പഠനത്തിനിട നല്‍കുന്നുണ്ട്.