യുഎഇയിലെ ചില പ്രദേശങ്ങളിൽ മഴ തുടരും

ദുബായ്: യുഎഇയിലെ ചില പ്രദേശങ്ങളിൽ ആകാശം മേഘാവൃതമായതിനാൽ തുടർ ദിവസങ്ങളിൽ മഴ ലഭിച്ചേക്കുമെന്നും ‍ബുധനാഴ്ച ഉച്ചയ്ക്ക് ശേഷം രാജ്യത്തിന്റെ പശ്ചിമ–കിഴക്കൻ ഭാഗങ്ങളിൽ ശക്തമായ മഴയ്ക്ക് സാധ്യതയുണ്ടെന്നും ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു. പലയിടത്തും കനത്ത മൂടൽമഞ്ഞ് അനുഭവപ്പെട്ട് ദൂരക്കാഴ്ച കുറഞ്ഞതിനാൽ ഫോഗ് ലൈറ്റുകൾ ഉപയോഗിക്കണമെന്നും പൊലീസ് നിർദേശിച്ചു. യുഎഇയിൽ പലയിടത്തും ഇന്നലെ രാത്രിയും ഇന്നു പുലർച്ചെയും നേരിയ മഴ പെയ്‌തിരുന്നു.