തളിപ്പറമ്പ്:ഗെയില്‍ പ്രകൃതിവാതക പൈപ്പ് ലൈനിന് ഇടിമിന്നലേറ്റു. കരിമ്പം പനക്കാട് വയലില്‍ പുതുതായി സ്ഥാപിച്ച പൈപ്പ് ലൈനിലാണ് ഇന്നലെ വൈകുന്നേരത്തോടെ ശക്തമായ മിന്നലേറ്റത്.
ശക്തമായ മിന്നല്‍ പൈപ്പ് ലൈനില്‍ പതിക്കുന്നതും പുക ഉയരുന്നതും കണ്ടതായി പ്രദേശ വാസികള്‍ പറഞ്ഞു. വയലുകളില്‍ ഉണ്ടായിരുന്നവര്‍ക്ക് ചെറുതായി ഷോക്കേറ്റതായും പറയുന്നു. ഇതിനു സമീപത്തെ നിരവധി വീടുകളിലെ ഇലക്ട്രിക്ക് ഉപകരണങ്ങളും ഇലക്ട്രിക്ക് വയറിങ്ങും നശിച്ചിട്ടുണ്ട്.
കേടുപാടുകളൊന്നും പ്രഥമദൃഷ്ടിയില്‍ കാണുന്നില്ലെങ്കിലും പ്രകൃതിവാതക പൈപ്പ് ലൈനിന് ഇടിമിന്നലേറ്റത് നാട്ടുകാരില്‍ പരിഭ്രാന്തി ഉയര്‍ത്തുന്നുണ്ട്.
Post Your Comments