ഹൈദരാബാദ് ടെസ്റ്റിലെ മികച്ച താരം ആരെന്ന് വെളിപ്പെടുത്തി നായകൻ വിരാട് കോഹ്ലി. ഉമേഷ് യാദവ് പന്തെറിഞ്ഞ രീതിയനുസരിച്ച്‌ തന്റെ മത്സരത്തിലെ താരം ഉമേഷ് യാദവാണെന്നായിരുന്നു കോഹ്ലി വ്യക്തമാക്കിയത്. ശര്‍ദ്ധുല്‍ താക്കൂര്‍ വെറും 10 പന്തെറിഞ്ഞ മടങ്ങിയ ശേഷം ഇന്ത്യയുടെ പേസ് ബൗളിംഗ് ദൗത്യം മുഴുവന്‍ ചുമലിലേറ്റിയത് ഉമേഷ് യാദവ് ആയിരുന്നു. രണ്ട് ഇന്നിംഗ്സുകളിലായി 10 വിക്കറ്റാണ് താരം നേടിയത്.
ടീമില്‍ നിരവധി മുന്‍ നിര പേസ് ബൗളര്‍മാരുള്ളത് ഒരു പോലെ നല്ലതും തലവേദനയുമാണെന്നും വിരാട് കോഹ്ലി പറയുകയുണ്ടായി. സെലക്ഷനില്‍ അത് തലവേദനയാകുമ്പോള്‍ ആര്‍ക്കെങ്കിലും പരിക്കേറ്റാല്‍ പകരം ബൗളറില്ലാതെ പരുങ്ങലില്‍ ടീമാവില്ലെന്നതാണീ ബെഞ്ച് സ്ട്രെംഗ്ത്തിന്റെ ഗുണമെന്നും കോഹ്ലി പറഞ്ഞു.
Post Your Comments