ഒരു റെക്കോര്‍ഡ് കൂടി സ്വന്തമാക്കി വിരാട് കോഹ്ലി

ഒരു റെക്കോര്‍ഡ് കൂടി സ്വന്തമാക്കി ഇന്ത്യൻ നായകൻ വിരാട് കോഹ്ലി. ഏഷ്യന്‍ ക്രിക്കറ്റര്‍മാരില്‍ ടെസ്റ്റ് ക്യാപ്റ്റനായി ഏറ്റവും അധികം റണ്‍സ് എന്ന റെക്കോര്‍ഡാണ് വിരാട് കോഹ്‍ലി സ്വന്തമാക്കിയത്. തന്റെ വ്യക്തിഗത സ്കോര്‍ 27ല്‍ എത്തിയപ്പോളാണ് പാകിസ്ഥാന്‍ നായകന്‍ മിസ്ബ ഉള്‍ ഹക്കില്‍ നിന്ന് കോഹ്ലി ഈ റെക്കോർഡ് തട്ടിയെടുത്തത്. 4214 റണ്‍സാണ് മിസ്ബ നേടിയിട്ടുള്ളത്. കോഹ്ലി നേടിയത് 4233 റണ്‍സാണ്. ക്യാപ്റ്റനായി17 ശതകങ്ങളും 9 അര്‍ദ്ധ ശതകങ്ങളുമാണ് കോഹ്‍ലി നേടിയിട്ടുള്ളത്. ദക്ഷിണാഫ്രിക്കയുടെ നായകനായിരുന്നു ഗ്രെയിം സ്മിത്തിനാണ് ഈ പട്ടികയിലെ ഒന്നാം സ്ഥാനം. 8659 റണ്‍സാണ് 109 മത്സരങ്ങളില്‍ നിന്ന് താരം നേടിയിട്ടുള്ളത്.