ബീജിംഗ്: സൗഹൃദ ഫുട്ബോള്‍ മത്സരത്തില്‍ ചെെനക്കെതിരെ ഇന്ത്യയ്‌ക്ക് വിജയത്തിന് സമമായ സമനില. ചെെനയ്ക്കെതിരെ പതിനെട്ട് മത്സരങ്ങളില്‍ ഒരു ജയം പോലുമില്ലാതെയാണ് ഇതോടെ ഇന്ത്യ മടങ്ങുന്നത്. ഇന്ത്യയേക്കാള്‍ റാങ്കിംഗില്‍ ഏറെ മുന്നിലുള്ള ചെെനയെ തടഞ്ഞ് നിര്‍ത്തിയത് ഗോള്‍കീപ്പര്‍ ഗുര്‍പ്രീതിന്റെ കിടിലം സേവുകളും വിള്ളല്‍ വീഴാത്ത പ്രതിരോധവുമായിരുന്നു. ഇരുടീമുകള്‍ക്കും നിരവധി അവസരങ്ങള്‍ ലഭിച്ചെങ്കിലും ഗോളാക്കാന്‍ സാധിക്കാതിരുന്നതോടെ വിജയം പിടികിട്ടാത്ത വളളിയായത് . സമനില നേടിയെങ്കിലും ചെെനീസ് മണ്ണില്‍ ആദ്യമായി വിജയക്കൊടി പാറിക്കാം എന്ന ജിംഗാന്റെയും കൂട്ടരുടെയും ചിരകാലാഭിലാഷവും സഫലമായില്ല.
Post Your Comments