സൗഹൃദ ഫുട്ബോള്‍ മത്സരത്തില്‍ ബ്രസീലിനും അര്‍ജന്റീനയ്ക്കും ജയം. ചെക്ക് റിപ്പബ്ലിക്കിനെതിരെ ഒന്നിനെതിരെ മൂന്ന് ഗോളുകള്‍ക്കായിരുന്നു ബ്രസീലിന്റെ ജയിച്ചപ്പോള്‍ അര്‍ജന്റീന മൊറോക്കോയെ എതിരില്ലാത്ത ഒരു ഗോളിന് തോല്‍പിച്ചു.
വെസസ്വേലക്കെതിരായ തോല്‍വിക്ക് ശേഷം അര്‍ജന്റിന മൊറോക്കോയെ തോല്‍പിച്ചു. എതിരില്ലാത്ത ഒരു ഗോളിനായിരുന്നു അര്‍ജന്റീനയുടെ ജയം. പരിക്കേറ്റ സൂപ്പര്‍ താരം ലയണല്‍ മെസിയില്ലാതെ ഇറങ്ങിയ അര്‍ജന്റീനക്കായി 83ാം മിനുറ്റില്‍ ഏഞ്ചല്‍ കൊറിയയാണ് അര്‍ജന്റിനയ്ക്ക് വേണ്ടി ഗോള്‍ നേടിയത്.എറെ നാളുകള്‍ക്ക് ശേഷമാണ് ബ്രസീലും ചെക് റിപ്പബ്ലിക്കും തമ്മില്‍ ഏറ്റുമുട്ടിയത്. ആദ്യം ഗോളടിച്ചത് ചെക്ക് റിപ്പബ്ലിക്ക് ആണെങ്കിലും ജയിക്കാനായില്ല.
ബ്രസീലിനെ ഗബ്രിയേല്‍ ജീസസിന്റെയും റോബര്‍ട്ടോ ഫിര്‍മീന്യോയുടെയും ഗോളുകളാണ് ജയത്തിലേക്ക് നയിച്ചത്. ഗബ്രിയേല്‍ ജീസസില്‍ നിന്ന് രണ്ട് ഗോളുകളാണ് പിറന്നത്.37ാം മിനുറ്റില്‍ ഡേവിഡ് പവേല്‍ക്കയാണ് ബ്രസീല്‍ വല കുലുക്കിയത്. എന്നാല്‍ 49ാം മിനുറ്റില്‍ ഫിര്‍മിന്യോ ബ്രസീലിനെ ഒപ്പമെത്തിച്ചു. കളി അവസാനിക്കാനിരിക്കെ ഗ്രബിയേല്‍ ജീസസ മഞ്ഞപ്പടക്ക് ജയം സമ്മാനിക്കുകയായിരുന്നു.
Post Your Comments