നെടുങ്കണ്ടം : ജീപ്പ് അപകടത്തിൽ നിരവധി പേർക്ക് പരിക്ക് .. കുമളി-മൂന്നാര്‍ സംസ്ഥാനപാതയില്‍ ഉണ്ടായ വാഹനപകടത്തെ തുടര്‍ന്ന് നിരവധി പേർക്ക് പരിക്ക്. അമിതവേഗതയില്‍ തമിഴ്‌നാട് തൊഴിലാളികളുമായി എത്തിയ ജീപ്പാണ് നെടുങ്കണ്ടം കരടിവളവില്‍ വെച്ച് അപകടത്തില്‍പ്പെട്ടത്.
കൂടാതെ പരിക്കുപറ്റിയവരെ നെടുങ്കണ്ടത്തെ വിവിധ ആശുപത്രികളില്‍ നിന്നും പ്രാഥമിക ചികിത്സക്ക് ശേഷം പൊലീസ് എത്തുന്നതിന് മുമ്പ് തന്നെ കേരളം കടത്തി.
കേസ് ഒഴിവാക്കുന്നതിനായി പൊലീസ് എത്തുന്നതിനു മുമ്പേ ഇവരെ ആബുലന്‍സില്‍ തമിഴ്‌നാട്ടിലേയ്ക്ക് കടത്തുകയായിരുന്നു. അമിതവേഗതയില്‍ പായുന്ന തൊഴിലാളി വാഹനങ്ങള്‍ കൊണ്ടുള്ള അപകടങ്ങള്‍ നെടുങ്കണ്ടത്തും പരിസരത്തും നിത്യ സംഭവമാണ്. ഇന്നുണ്ടായ അപകടത്തെ തുടര്‍ന്ന് നെടുങ്കണ്ടത്ത് നാട്ടുകാര്‍ തൊഴിലാളി വാഹനം തടഞ്ഞ് പ്രതിക്ഷേധിച്ചു.
Post Your Comments