സ്വർണ്ണകടത്ത്; 98 ലക്ഷം രൂപയുടെ സ്വർണ്ണം പിടികൂടി

കോഴിക്കോട്: 98 ലക്ഷം രൂപയുടെ സ്വർണ്ണം പിടികൂടി .കരിപ്പൂർ വിമാനത്താവളത്തിൽനിന്ന് ഷൂസിനുള്ളിൽ കടത്തിയ 3.115 കിലോ ഗ്രാം സ്വർണം പിടികൂടി.

സ്വർണ്ണകടത്തിൽ ആസാം സ്വദേശിയായ നാസീറുദ്ദീനി (26) നെ പൊലീസ് അറസ്റ്റ് ചെയ്തു. ബുധനാഴ്ച രാവിലെ മുംബൈയിൽനിന്ന് എയർ ഇന്ത്യാ വിമാനത്തിലെത്തിയ ഇയാളെ പരിശോധിച്ചപ്പോഴാണ് സ്വർണം കണ്ടെത്തിയത്. വിദേശത്തുനിന്നാണ് സ്വർണം എത്തിച്ചതെന്ന് കരുതുന്നു.

ബാറുകളായാണ് ഷൂസിൽ സ്വർണം കടത്തിയത്. ഡയറക്ടറേറ്റ് ഓഫ് റവന്യൂ ഇന്റലിജൻസ് ആണ് ഇയാളെ പിടികൂടിയത്.