ചിങ്ങവനം: തകർന്ന റോഡ് നന്നാക്കാത്തതിൽ വ്യാപക പ്രതിഷേധം .നവരാത്രി ആഘോഷം തുടങ്ങിയിട്ടും പനച്ചിക്കാട് ക്ഷേത്രത്തിലേക്കുള്ള റോഡുകളുടെ അറ്റകുറ്റപ്പണികൾ നടത്താത്തതിലുള്ള പ്രതിഷേധം വ്യാപകമാകുന്നു.
മഴയിൽ വെള്ളംകയറി പ്രധാനറോഡുകൾ എല്ലാം കുഴികൾ നിറഞ്ഞ അവസ്ഥയാണ്. മുൻ വർഷങ്ങളിൽ ഈ റോഡുകളുടെ എല്ലാം അറ്റകുറ്റപ്പണികൾ നടത്തുന്ന പതിവുണ്ടായിരുന്നു. എന്നാൽ ഇത്തവണ പണികൾ ഒന്നും തുടങ്ങിയില്ല. പ്രധാന റോഡ് ആയ പനച്ചിക്കാട് പുതുപ്പള്ളി റോഡ് പൂർണമായും തകർന്നനിലയിലാണ്. റോഡിന്റെ തകർച്ച പരിഹരിക്കണമെന്ന പരാതിയുമായി നാട്ടുകാർ രംഗത്തെത്തി.
കൂടാതെ പനച്ചിക്കാട് കച്ചേരി കവല മുതൽ എരമല്ലൂർ വരെയുള്ള റോഡിൽ ഇപ്പോൾ കാൽനടയാത്രക്കാർക്കും അപകടഭീഷണി ഉണ്ട്. വലിയ കുഴികളിൽ പെടാതെ വാഹനങ്ങൾ വെട്ടിച്ചുമാറ്റുന്നതിനിടയിൽ കാൽനടയാത്രക്കാരും ഇരുചക്രവാഹനയാത്രക്കാരും ജീവഭയത്തോടെ വേണം ഈ വഴി യാത്ര ചെയ്യാൻ.
Post Your Comments