ആറ്റിങ്ങല്‍: നിയന്ത്രണം വിട്ട സ്‌കൂള്‍ ബസ് കമ്പിവേലിയില്‍ തട്ടി നിന്നു. മറ്റൊരു സ്‌കൂള്‍ ബസിന് സൈഡ് കൊടുക്കാനായി വാഹനം പിന്നോട്ടെടുക്കുന്നതിനിടെ റോഡരികിലെ കുഴിയില്‍ വീഴുകയും നിയന്ത്രണം വിട്ട് സമീപത്തെ ട്രാന്‍സ്‌ഫോമറിനടുത്തേയ്ക്ക് നീങ്ങുകയുമായിരുന്നു. അതേസമയം ട്രാന്‍സ്‌ഫോമറിലെ സുരക്ഷയ്ക്കായി സ്ഥാപിച്ചിരുന്ന കമ്പിവേലിയില്‍ തട്ടിനിന്നതിനാല്‍ വന്‍ ദുരന്തം ഒഴിവായി.
പാടിക്കവിളാകം ക്ഷേത്രത്തിനു സമീപം ശ്രീ സരസ്വതി വിദ്യാനികേതന്റെ ബസാണ് അപകടത്തില്‍പെട്ടത്. സംഭവം നടന്നയുടനന്‍ തന്നെ കെഎസ്ഇബിയിലറിയിക്കുകയും വൈദ്യുതി ഓഫാക്കുകയും ചെയ്തു. വാഹനത്തിലുണ്ടായിരുന്ന കുട്ടികളെ നാട്ടുകാരും മറ്റുള്ളവരും ചേര്‍ന്നു പുറത്തിറക്കി വേറെ വാഹനത്തില്‍ സ്‌കൂളിലെത്തിച്ചു.
Post Your Comments