കൊച്ചി: സംസ്ഥാനത്തിനകത്തു നിന്നും പുറത്തുനിന്നും ശബരിമലയിലെ സ്ത്രീപ്രവേശനം സംബന്ധിച്ച് എതിര്‍പ്പ് ശക്തമായികൊണ്ടിരിക്കുകയാണ്. ഇതിനിടയിലാണ് ശബരിമല തന്ത്രി കുടുംബാഗവും ആക്ടിവിസ്റ്റുമായ രാഹുല്‍ ഈശ്വറിന്റെ ഫേസ്ബുക്ക് പോസ്റ്റ് വീണ്ടും എത്തിയിരിക്കുന്നത്.
ഇനിയുള്ള 12 ദിവസങ്ങളും ശബരിമലയും ദേവാലയങ്ങളും സംരക്ഷിക്കാനുള്ള യുദ്ധമായിരിക്കുമെന്ന് രാഹുല്‍ ഈശ്വര്‍. മഹാപ്രക്ഷോഭം പത്തോളം സംസ്ഥാനങ്ങളിലേക്ക് വ്യാപിക്കുകയാണ്. ദുബായ്, അമേരിക്ക, ഇംഗ്ലണ്ട് അടക്കമുള്ള രാജ്യങ്ങളില്‍ നിന്നും പിന്തുണ ലഭിക്കുന്നുണ്ടെന്നും രാഹുല്‍ ഈശ്വര്‍ ഫേസ്ബുക്കില്‍ കുറിച്ചു.
ഫേസ്ബുക്ക് പോസ്റ്റിന്റെ പൂര്‍ണരൂപം:
ഇനി 12 ദിവസം – ശബരിമലയും ദേവാലയങ്ങളും സംരക്ഷിക്കാനുള്ള ധര്‍മ്മ യുദ്ധം ശക്തമാക്കണം –
100 കണക്കിന് സ്ഥലങ്ങളില്‍ ആയിരകണക്കിന് ജനങ്ങളാണ്, ഭക്തരാണ് പ്രതിരോധത്തിനായി അയ്യപ്പ ജെല്ലിക്കെട്ടിനു വേണ്ടി മുന്നോട്ടു വരുന്നത് .
കോടതി വഴി നമ്മുടെ നിയമ ടീം നോക്കിക്കോളും. നമ്മള്‍ ഭക്തര്‍ തമിഴ് സഹോദരങ്ങള്‍ കാണിച്ചു തന്ന ജെല്ലിക്കെട്ട് മാതൃകയില്‍ യുദ്ധം ചെയ്യണം. ഇതു സ്വാമി അയ്യപ്പന് വേണ്ടി, ശബരിമലക്ക് വേണ്ടി.. എല്ലാ ദേവാലയങ്ങള്‍ക്കും വേണ്ടിയുള്ള ധര്‍മ്മ യുദ്ധം ആണ്. മഹാ പ്രക്ഷോഭം 10 ഓളം സംസ്ഥാനങ്ങളിലേക്ക് വ്യാപിക്കുന്നു. ദുബായ്, അമേരിക്ക, ഇംഗ്ലണ്ട് അടക്കമുള്ള ദേശങ്ങളില്‍ നിന്നും വലിയ പിന്തുണ വരുന്നുണ്ട്.
Post Your Comments