ന്യൂഡൽഹി: പ്രതിരോധ തുള്ളിമരുന്നിൽ വൈറസ് സാന്നിധ്യമെന്ന് പ്രചാരണം; സുരക്ഷിതമെന്ന് കേന്ദ്ര ആരോഗ്യ മന്ത്രാലയം. . അഞ്ചു വയസ്സു വരെയുള്ള കുട്ടികൾക്ക് നൽകി വരുന്ന പോളിയോ പ്രതിരോധ തുള്ളിമരുന്നിൽ വൈറസ് സാന്നിധ്യം കണ്ടെത്തിയെന്ന ആരോപണങ്ങളെ തള്ളി കേന്ദ്രസർക്കാർ. ഇന്ത്യയിൽ വിതരണം ചെയ്യുന്ന തുള്ളിമരുന്ന് സുരക്ഷിതവും ഫലപ്രദവുമാണെന്ന് കേന്ദ്ര ആരോഗ്യ കുടുംബക്ഷേമ മന്ത്രാലയം വ്യക്തമാക്കി.
തുള്ളിമരുന്ന് നിർമ്മാതാക്കളിൽ ഒരു കമ്പനി വിതരണം ചെയ്തിരുന്ന മരുന്ന് നിലവാരമില്ലാത്തതാണെന്ന മാധ്യമ റിപ്പോർട്ടുകളുടെ അടിസ്ഥാനത്തില്‍ മരുന്നിൽ വൈറസ് ഉണ്ടെന്ന ഉൗഹാപോഹങ്ങൾ പ്രചരിച്ചിരുന്നതായും ഇൗ കമ്പനി നിർമ്മിച്ച തുള്ളിമരുന്ന് വിതരണം നിർത്തി വെച്ചതായും മന്ത്രാലയം വ്യക്തമാക്കി.
ഇൗ കമ്പനി നിർമ്മിച്ച മരുന്നിന്റെ സ്റ്റോക്കുകൾ പിൻവലിച്ചതായും മന്ത്രാലയം അറിയിച്ചു. മറ്റ് തുള്ളിമരുന്ന് നിർമ്മാതാക്കളുടെ മരുന്ന് പരിശോധനക്ക് വിധേയമാക്കി ആവശ്യമായ നിലവാരം ഉണ്ടെന്ന് ഉറപ്പു വരുത്തിയിട്ടുണ്ട്.
Post Your Comments