സച്ചിന്‍ തെന്‍ഡുല്‍ക്കറുടെ റെക്കോർഡ് മറികടന്ന് വിരാട് കോഹ്ലി

മുംബൈ: വെസ്റ്റ് ഇന്‍ഡീസിനെതിരായ ഒന്നാം ക്രിക്കറ്റ് ടെസ്റ്റില്‍ 24ാം ടെസ്റ്റ് സെഞ്ചുറി നേടിയതിലൂടെ സച്ചിൻ തെണ്ടുൽക്കറുടെ റെക്കോർഡ് മറികടന്ന് വിരാട് കോഹ്ലി. അതിവേഗം 24 സെഞ്ചുറികള്‍ നേടുന്ന രണ്ടാമത്തെ താരമാണ് കോഹ്ലി. 123 ഇന്നിംഗ്‌സുകളില്‍ നിന്നാണ് കോഹ്ലി 24 സെഞ്ചുറി നേടിയത്. അതേസമയം സച്ചിന്‍ 125 ഇന്നിംഗ്‌സുകളില്‍ നിന്നാണ് 24 സെഞ്ചുറി പൂര്‍ത്തിയാക്കിയത്.

ഡോണ്‍ ബ്രാഡ്മാനാണ് ഒന്നാം സ്ഥാനത്ത്. വെറും 66 ഇന്നിംഗ്‌സുകളില്‍ നിന്നാണ് ബ്രാഡ്മാന്‍ ഈ നേട്ടം കൈവരിച്ചത്. അതേസമയം വെസ്റ്റ് ഇന്‍ഡീസിനെതിരെ ക്യാപ്റ്റന്‍ എന്ന നിലയില്‍ ഏറ്റവും കൂടുതല്‍ സെഞ്ചുറി നേടുന്ന താരമെന്ന നേട്ടത്തിന് കോഹ്‌ലി മുന്‍ ഇന്ത്യന്‍ താരം ദിലീപ് വെങ്ക്‌ സര്‍ക്കാരിന് ഒപ്പമെത്തി.