ഹൈദരാബാദ്: തെലങ്കാന നിയമസഭ തിരഞ്ഞെടുപ്പില്‍ സിപിഐയും സിപിഎമ്മും രണ്ട് മുന്നണികളില്‍ മത്സരിക്കും. കോണ്‍ഗ്രസിന്റെ നേതൃത്വത്തിലുള്ള വിശാല പ്രതിപക്ഷ ഐക്യത്തിന്റെ ഭാഗമാണ് സിപിഐ. അതേസമയം ബഹുജന്‍ ലെഫ്റ്റ് ഫ്രണ്ടിന്റെ ഭാഗമാണ് സിപിഎം. അടുത്തിടെ പിരിച്ചുവിട്ട 119 അംഗ നിയമസഭയില്‍ സിപിഎമ്മിന് ഒരു എംഎല്‍എ ഉണ്ടായിരുന്നു.
20ലേറെ സീറ്റുകളില്‍ സിപിഎം മത്സരിക്കുമെന്നും സംസ്ഥാന സെക്രട്ടറി തമ്മിനേനി വീരഭദ്രം പറഞ്ഞു. ഭരണകക്ഷിയായ ടിആര്‍എസിനെതിരെ കോണ്‍ഗ്രസ് നേതൃത്വം നല്‍കുന്ന സഖ്യത്തില്‍ ടിഡിപി, തെലങ്കാന ജനസമിതി എന്നീ പാര്‍ട്ടികളുമുണ്ട്.
ഇടത് പാര്‍ട്ടികള്‍ക്ക് സ്വാധീനമുള്ള ഖമ്മം, വാറങ്കല്‍, നല്‍കൊണ്ട ജില്ലകളിലാകും കൂടുതല്‍ സീറ്റുകള്‍. മുന്നണിയില്‍ ചേരാന്‍ സിപിഐയെ ക്ഷണിച്ചിരുന്നെങ്കിലും അവര്‍ കോണ്‍ഗ്രസിനൊപ്പം പോവുകയായിരുന്നെന്നും വീരഭദ്രം പറഞ്ഞു.
Post Your Comments