വാ​ഹ​നം കൊ​ക്ക​യി​ലേ​ക്കു മ​റി​ഞ്ഞ് അഞ്ചുപേർക്ക് ദാരുണാന്ത്യം

ഉൗ​ട്ടി:വാ​ഹ​നം കൊ​ക്ക​യി​ലേ​ക്കു മ​റി​ഞ്ഞ് അഞ്ചുപേർക്ക് ദാരുണാന്ത്യം. ഉൗ​ട്ടി​യി​ല്‍​ വിനോദ സഞ്ചാരത്തിന് എത്തിയ ചെ​ന്നൈ സ്വ​ദേ​ശി​ക​ളാ​ണ് മ​രി​ച്ച​ത്. പ​രി​ക്കേറ്റ രണ്ടുപേരെ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. ഞാ​യ​റാ​ഴ്ച എ​ത്തി​യ വി​നോ​ദ​സം​ഘം അ​ന്നു​ത​ന്നെ താ​മ​സി​ച്ചി​രു​ന്ന റി​സോ​ര്‍​ട്ടി​ല്‍​നി​ന്നു പു​റ​ത്തു​പോ​യി. അ​ടു​ത്ത ദി​വ​സം തി​രി​ച്ചെ​ത്തി​യി​ല്ല. ഇ​തേ​തു​ട​ര്‍​ന്ന് റി​സോ​ര്‍​ട്ട് അ​ധി​കൃ​ത​ര്‍ പോ​ലീ​സി​ല്‍ വി​വ​ര​മ​റി​യി​ച്ചു. ശേഷം പോ​ലീ​സ് മൂ​ന്നു ദി​വ​സ​മാ​യി തെ​ര​ച്ചിൽ ന​ട​ത്തുകയും വാ​ഹ​നം അ​പ​ക​ട​ത്തി​ല്‍​പ്പെ​ട്ട സ്ഥ​ലം സം​ബ​ന്ധി​ച്ചു വി​വ​രം ല​ഭിക്കുകയുമായിരുന്നു.

ഉൗ​ട്ടി​യി​ല്‍​നി​ന്ന് 25 കി​ലോ​മീ​റ്റ​ര്‍ അ​ക​ലെ ഉ​ല്ല​ത്തി​യി​ല്‍ 250 അ​ടി താ​ഴ്ച​യി​ലേ​ക്കാ​ണു വാ​ഹ​നം മ​റി​ഞ്ഞ​ത്. അ​പ​ക​ട​ത്തി​ല്‍​പ്പെ​ട്ട വാ​ഹ​ന​ത്തി​ല്‍ മൃ​ത​ദേ​ഹ​ങ്ങ​ള്‍​ക്കൊ​പ്പം ര​ണ്ടു​പേ​ര്‍ മൂ​ന്നു ദി​വ​സ​മാ​യി കു​ടു​ങ്ങി​ക്കി​ട​ക്കു​ക​യാ​യി​രു​ന്നെന്നും കൊ​ടും​വ​ള​വി​ല്‍ വാ​ഹ​ന​ത്തി​നു നി​യ​ന്ത്ര​ണം ന​ഷ്ട​പ്പെ​ട്ട​താ​ണ് അ​പ​ക​ട​ത്തി​നു കാ​ര​ണ​മെ​ന്നു സം​ശ​യി​ക്കു​ന്നതായും പോലീസ് അറിയിച്ചു.