ബൈക്കിൽ കാറിടിച്ച് യുവാവ് മരിച്ചു; സംഭവത്തിൽ ദുരൂഹതയെന്ന് നാട്ടുകാർ

മലപ്പുറം: ബൈക്കിന് പിന്നില്‍ കാറിടിചുണ്ടായ അപകടത്തിൽ യുവാവ് മരിച്ചു. തിരുവാലൂര്‍ ചീനിക്കുഴി ആസിഫാണ് മരിച്ചത്. ഒപ്പമുണ്ടായിരുന്ന കുറ്റിയാട്ട് മുബഷീറിന് സാരമായി പരിക്കേറ്റു. ഇരുവരും സഞ്ചരിച്ചിരുന്ന ബൈക്കിന് പിന്നില്‍ കാറിടിച്ചാണ് അപകടം ഉണ്ടായത്. കാര്‍ ഓടിച്ചിരുന്ന ഖാദറിനെ മര്‍ദിച്ച കേസില്‍ മുബഷീര്‍ കഴിഞ്ഞ ദിവസമാണ് ജാമ്യത്തില്‍ ഇറങ്ങിയത്. ഇതോടെ സംഭവത്തില്‍ ദുരൂഹതയുണ്ടെന്ന് നാട്ടുകാരും കുടുംബവും ആരോപിച്ചു. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.