ഗാന്ധി ജയന്തി ആഘോഷിക്കാന്‍ സ്പെഷ്യല്‍ ഇമോജിയുമായി ട്വിറ്റര്‍

ഗാന്ധി ജയന്തി ആഘോഷമാക്കി ട്വിറ്റര്‍.രാഷ്ട്രപിതാവിന്റെ 150ാം ജന്മദിനത്തോടനുബന്ധിച്ച് അദ്ദേഹത്തിന്റെ മുഖമുള്ള സ്പെഷ്യല്‍ ഗാന്ധി ഇമോജിയുമായാണ് എത്തിയിരിക്കുന്നത്. അന്നേദിവസം പ്രവര്‍ത്തിച്ചു തുടങ്ങുന്ന ഈ സ്‌പെഷ്യല്‍ ഇമോജി #GandhiJayanti, #MahatmaGandhi, #MKGandhi, #BapuAt150, #MyGandhigiri, #NexusOfGood, #MahatmaAt150, #गाँधीजयंती, #ગાંધીજયંતિ എന്നീ ഹാഷ്ടാഗുകള്‍ ഉപയോഗിച്ച്‌ ട്വീറ്റ് ചെയ്യുമ്ബോള്‍ മാത്രമാണ് പ്രത്യക്ഷപ്പെടുക.

ഒരാഴ്ച മുഴുവനും ഈ ഇമോജി ലഭ്യമാകും.ട്വിറ്റര്‍ ലോഗോയെ പ്രതിനിധീകരിക്കുന്ന നീലയും വെള്ളയും നിറങ്ങളിൽ രൂപകല്പന ചെയ്ത മഹാത്മാഗാന്ധിയുടെ കാരിക്കേച്ചറാണ് ഇതില്‍ ഉപയോഗിച്ചിരിക്കുന്നത്. ദീപാവലി, ഗണേശ ചതുര്‍ത്ഥി, സ്വാതന്ത്ര്യദിനം, റിപ്പബ്ലിക് ദിനം, അന്താരാഷ്ട്ര യോഗാ ദിനം, അംബേദ്കര്‍ ജയന്തി തുടങ്ങിയ ആഘോഷങ്ങളിലും ട്വിറ്റര്‍ ഇമോജികൾ അവതരിപ്പിച്ചിട്ടുണ്ട്