അതിജീവനം: പ്രളയത്തിനുശേഷമുള്ള കേരളത്തെ പ്രശംസിച്ച് വിരാട് കോഹ്‌ലി

മഹാപ്രളയത്തെ അതിജീവിച്ച് ജീവിതത്തിലേയ്ക്ക് കുതിച്ച കേരള ജനതയെ പുകഴ്കത്തി ഇന്ത്യന്‍ ക്രിക്കറ്റ് ടീം നായകന്‍ വിരാട് കോഹ്‌ലി. സംസ്ഥാനത്തിന്റെ വിനോദ സഞ്ചാര മേഖലയ്ക്കുള്ള ഒരു കൈതാങ്ങു കൂടിയാണ് വിരാട് നല്‍കുന്നത്. ഒരു വീഡിയോയിലൂടെയാണ് കേരളം പ്രളയത്തെ അതിജീവിച്ചതിനെ കുറിച്ച് വിരാട് പറയുന്നത്. അദ്ദേഹം തന്നെയാണ് തന്റെ ഫേസ്ബുക്ക് പേജിലൂടെ ഈ വീഡിയോ പങ്കുവെച്ചത്. കടും പ്രയാസങ്ങള്‍ ഉണ്ടായിരുന്ന ദിനങ്ങളെ അതിജീവിച്ച കേരളത്തിന് ഇനി ആവശ്യം നിങ്ങളുടെ സാമീപ്യമാണെന്നെന്നാതാണ് വീഡിയോയുടെ ചുരുക്കം.

https://www.facebook.com/virat.kohli/videos/176628116570232/

കേരളാ ടൂറിസത്തെ പ്രോത്സാഹിപ്പിക്കുന്നതിനായി സാമ്സോണൈറ്റ് നിര്‍മ്മിച്ച പരസ്യചിത്രമാണ് താരം സോഷ്യല്‍ മീഡിയയിലൂടെ പങ്കുവച്ചിരിക്കുന്നത്. സഞ്ചാരികളെ കാത്ത് വിഷമത്തോടെ ഇരിക്കുന്ന ആലപ്പുഴയിലെ ജനങ്ങളാണ് വീഡിയോയിലുള്ളത്. പിന്നീട് വിനോദ സഞ്ചാരികളെ സ്വീകരിക്കാന്‍ തയ്യാറായി ടൂറിസം മേഖലയുടെ എല്ലാ വാതിലുകളം തുറന്നു നല്‍കുന്നതോടെ വീഡിയോ അവസാനിക്കുന്നു. കേരളം വിനോദ സഞ്ചാരികളെ സ്വീകരിക്കാന്‍ തയ്യാറായി എന്ന് തന്നെയാണ് വീഡിയോ പറയുന്നത്.