മാരകായുധങ്ങളുമായി നാലുപേർ പിടിയിലായി

കരുനാ​ഗപ്പള്ളി; ക്വട്ടേഷൻ നടപ്പാക്കാനെത്തിയ നാൽവർ സംഘം പോലീസ് പട്രോളിങ്ങിനിടെ അറസ്റ്റിൽ. വടിവാളടക്കമുള്ള ആയുധങ്ങളും പിടിച്ചെടുത്തു. ‌

വെളുത്ത മണൽ പ്രദേശത്ത് ഈയിടെ നടന്ന സംഭവങ്ങളുടെ തുടർച്ചയാണിതെന്ന് പോലീസ് പറഞ്ഞു. ഒരാഴ്ച മുമ്പ് വെളുത്ത മണലിൽ ഏറ്റുമുട്ടലുണ്ടായി , ഈ സംഭവത്തിൽ കരുനാഗപ്പള്ളി പെലീസ് ഒമ്പത് പേർക്കെതിരെ കേസെടുത്തിരുന്നു. പെൺകുട്ടിയെ ശല്യം ചെയ്തതുമായി ബന്ധപ്പെട്ട പ്രശ്നമാണ് അവിടെ സംഘർഷത്തിന് ഇടയാക്കിയത്.

ഇതേ പ്രശ്നത്തിന്റെ തുടർച്ചയായിട്ടാണ് മാരകായുധങ്ങളുമായി നാൽവർ സംഘം പിടിയിലായതെന്ന് പോലീസ് വൃത്തങ്ങൾ പറഞ്ഞു.