വള്ളികുന്നം: ഭിന്നശേഷിയുള്ള കുട്ടികളുമായി പോയ സ്‌കൂള്‍ ബസ് അപകടത്തില്‍പ്പെട്ട് ഡ്രൈവര്‍ക്കും മൂന്നു വിദ്യാര്‍ത്ഥികള്‍ക്കും പരിക്കേറ്റു. ഇന്നലെ വൈകിട്ട് 3.30ന് ചൂനാട് കാഞ്ഞിരത്തുമുട് റോഡില്‍ വള്ളികുന്നം പരിയാരത്ത് കുളങ്ങരയ്ക്കുസമീപം ഇലിപ്പക്കുളം എം.ഇ.എസ് സ്‌കൂളിലെ 22 വിദ്യാര്‍ത്ഥികളുമായി പോയ സ്‌കൂള്‍ ബസ് നിയന്ത്രണം വിട്ടു മറിയുകയായിരുന്നു.
പരിക്കേറ്റ ഡ്രൈവര്‍ സിയാദ് ,വിദ്യാര്‍ത്ഥികളായ അമല്‍, നിയാസ്, രഞ്ജിത്ത് എന്നിവരെ നാട്ടുകാര്‍ സമീപത്തെ സ്വകാര്യ ആശുപത്രിയില്‍ പ്രവേശിപ്പിച്ചു. മറ്റു കുട്ടികളെ സ്‌കൂള്‍ അധികൃതരും പൊലീസും ചേര്‍ന്ന് വീടുകളില്‍ എത്തിച്ചു. നിയന്ത്രണം വിട്ട ബസ് റോഡിന്റെ വശത്ത് വീണ് കിടന്ന മരത്തിലേക്ക് ഇടിച്ചു കയറുകയായിരുന്നു.
Post Your Comments