സ്പാനിഷ് ലീഗില്‍ അത്‌ലറ്റികോ മാഡ്രിഡിന് അനായാസ ജയം. 13 പോയിന്റ് വീതമുള്ള ബാഴ്‌സയും റയലുമാണ് ഒന്നും രണ്ടും സ്ഥാനങ്ങളില്‍. ജയത്തോടെ 11 പോയിന്റുമായി അത്‌ലറ്റികോ ടേബിളില്‍ മൂന്നാം സ്ഥാനത്തേക്ക് ഉയര്‍ന്നു. ആദ്യ പകുതിയില്‍ 16 ആം മിനുട്ടില്‍ ഗ്രീസ്മാന്റെ ഗോളില്‍ വേട്ട ആരംഭിച്ച സിമയോണിയുടെ ടീം 30 ആം മിനുട്ടില്‍ തോമസ് പാര്‍ട്ടെയുടെ ഗോളില്‍ ലീഡ് രണ്ടാക്കി.
ഹ്യുസ്‌കയെ എതിരില്ലാത്ത 3 ഗോളിനാണ് അവര്‍ സ്വന്തം മൈതാനമായ വാന്‍ഡ മെട്രോപൊളിറ്റാനോയില്‍ മറികടന്നത്. 32 ആം മിനുട്ടില്‍ കൊക്കെയുടെ ഗോളില്‍ മൂന്നാം ഗോളും നേടിയ അവര്‍ ആദ്യ പകുതിയില്‍ തന്നെ മത്സരം വരുതിയിലാക്കി. രണ്ടാം പകുതിയില്‍ ഹ്യുസ്‌കക്ക് ഏതാനും അവസരങ്ങള്‍ സൃഷ്ടിക്കാനായെങ്കിലും ഗോള്‍ കണ്ടെത്താനായില്ല.
Post Your Comments