തലശ്ശേരി: തലശ്ശേരിയില്‍ മൂന്ന്‌നില കെട്ടിടത്തില്‍ തീപിടിത്തം. എ.വി.കെ. നായര്‍ റോഡിലെ മൂന്ന് നില കെട്ടിടത്തിലാണ് വന്‍ അഗ്നിബാധ ഉണ്ടായത്. ഇന്ന് രാത്രി ഏഴ് മണിയോടെയാണ് കെട്ടിടത്തിന്റെ പിന്‍ഭാഗത്ത് തീ പടര്‍ന്നത്. കോര്‍പ്പറേഷന്‍ ബാങ്ക് ശാഖയും എ.സി.വി. കേബിള്‍ വിഷനും ഉള്‍പ്പെടെ നിരവധി സ്ഥാപനങ്ങള്‍ ഈ കെട്ടിടത്തില്‍ പ്രവര്‍ത്തിക്കുന്നുണ്ട്. കെട്ടിടത്തിന്റെ പിന്‍ഭാഗത്തു നിന്നും മാലിന്യത്തിന് തീ പിടിച്ചതാണ് കാരണമെന്ന് പറയുന്നു.
മൂന്ന് ജനറേറ്ററുകളും എ.സി.വി.യുടെ കേബിളുകളും സ്റ്റേഷനറി സ്ഥാപനത്തിന്റെ ഗോഡൗണില്‍ സൂക്ഷിച്ച സാമഗ്രികളും കത്തി നശിച്ചതില്‍ പെടുന്നു. തലശ്ശേരി, വടകര,കൂത്തുപറമ്പ്, പാനൂര്‍ എന്നിവിടങ്ങളില്‍ നിന്നും അഗ്നിശമന സേനയുടെ വിവിധ യൂണിറ്റുകള്‍ അക്ഷീണ പരിശ്രമം നടത്തിയതിനാലാണ് അഗ്നി പടരാതിരുന്നത്
Post Your Comments