സാംസങിന്റെ മൂന്ന് ക്യാമറകളുള്ള ഫോൺ വിപണിയിൽ

മൂന്ന് ക്യാമറകളോടു കൂടിയ ഗ്യാലക്‌സി എ7 മോഡൽ ഇന്ത്യൻ വിപണിയിൽ. നീല, കറുപ്പ്, ഗോള്‍ഡ് എന്നീ നിറങ്ങളിൽ എത്തിയിരിക്കുന്ന ഫോണിന് 23,990 രൂപയാണ് വില. സെപ്റ്റംബർ അവസാനത്തോടെ 180,000 ഔട്ട്ലെറ്റുകളിൽ നിന്ന് ഫോൺ ലഭ്യമാകും. 24 എംപി, 8 എംപി, 5 എംപി എന്നിങ്ങനെ മൂന്ന് ക്യാമറകളാണ് ഈ ഫോണിന് ഉള്ളത്. 1080x 2220 റെസല്യൂഷനിൽ 6 ഇഞ്ച് സൂപ്പര്‍ അമോലെഡ് ഡിസ്‌പ്ലേ, 3,300 എംഎഎച്ച് ബാറ്ററി, ഫിംഗര്‍പ്രിന്റ് സെന്‍സർ എന്നിവയാണ് ഫോണിന്റെ സവിശേഷതകൾ.

4 ജിബി റാം 64 ജിബി സ്റ്റോറേജ്, 6 ജിബി റാം 128 ജിബി സ്‌റ്റോറേജ് എന്നിങ്ങനെ രണ്ട് വേരിയന്റുകളിലാണ് ഫോൺ പുറത്തിറങ്ങുന്നത്. മൈക്രോ എസ്ഡി കാര്‍ഡ് ഉപയോഗിച്ച്‌ 512 ജിബി വരെ സ്‌റ്റോറേജ് വര്‍ധിപ്പിക്കാവുന്നതാണ്.  2.2 ജിഗാ ഹെര്‍ട്സ് ഒക്ട കോര്‍ പ്രോസസര്‍ ആണ് ഫോണിന് കരുത്തേകുന്നത്.