ദുബായ് ഡ്യൂട്ടി ഫ്രീ നറുക്കെടുപ്പ് : 7 കോടിയിലേറെ രൂപയുടെ സമ്മാനം സ്വന്തമാക്കി യുവാവ്

ദുബായ്: ദുബായ് ഡ്യൂട്ടി ഫ്രീ നറുക്കെടുപ്പിൽ 7 കോടിയിലേറെ രൂപയുടെ സമ്മാനം സ്വന്തമാക്കി പാകിസ്ഥാൻ സ്വദേശിയായ യുവാവ്. പെഷവാറിൽ നിന്നുള്ള നുമാൻ ആരിഫ് എന്ന 32 കാരനെയാണ് 281 സീരിസിൽ ഉള്ള 0241 നമ്പറിലൂടെ ഭാഗ്യം തേടിയെത്തിയത്. നറുക്കെടുപ്പിൽ ഇത്രയും തുക ലഭിക്കുന്ന പതിനാറാമത്തെ വ്യക്തിയാണ് നുമാൻ. തന്റെ ജീവിതം തന്നെ മാറ്റിമറിച്ച ഈ ഭാഗ്യത്തിന് നന്ദി പറയുന്നതായി നുമാൻ വ്യക്തമാക്കി. അതേസമയം ഇതേ ദിവസം തന്നെ മറ്റ്‌ രണ്ടുപേർക്കും കാറുകൾ സമ്മാനമായി ലഭിച്ചിരുന്നു.