റോഡിലേക്ക് വലിച്ചെറിഞ്ഞ മാലിന്യസഞ്ചി കാറിലേക്ക് തിരിച്ചെറിഞ്ഞ് വനിതാ ബൈക്കർ; കൈയ്യടിച്ച് സോഷ്യൽ മീഡിയ

യാത്ര ചെയ്യുമ്പോൾ കൈയ്യിലുള്ള ക്ഷണപദാർത്ഥത്തിന്റെ അവശിഷ്ടങ്ങളും മറ്റും റോഡിലേക്ക് വലിച്ചെറിയുന്നവരാണ് നമ്മളിൽ പലരും. അത്തരത്തില്‍ വലിച്ചെറിഞ്ഞ അവശിഷ്ടങ്ങൾ നമ്മുടെ പക്കലേക്ക് തന്നെ തിരിച്ചെത്തിയാലോ? അത്തരമൊരു വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. ബീജിംഗിലെ ഒരു ഒഴിഞ്ഞ നഗരവീഥിയിലാണ് സംഭവം നടന്നത്. ട്രാഫിക് സിഗ്നലില്‍ നിര്‍ത്തിയിട്ടിരിക്കുന്ന കാറില്‍ നിന്ന് ആരോ പുറത്തേക്ക് ഒരു കവർ വലിച്ചെറിയുന്നു. ഈ ‘വെയ്സ്റ്റ് പാക്കറ്റ്’ സിഗ്നലിനടുത്തേക്ക് എത്തിയ വനിതാ ബൈക്കറുടെ മുന്നിലാണ് വീണത്. ഉടൻ തന്നെ ആ വെയ്സ്റ്റ് പായ്ക്കറ്റ് എടുത്ത് അവർ തിരിച്ച് കാറിലേയ്ക്ക് എറിഞ്ഞു. കാറിലുളളവർ പുറത്തിറങ്ങിയപ്പോഴേക്കും ഇവർ ബൈക്കുമായി സിഗ്നൽ കടന്നിരുന്നു. എന്തായാലും ബൈക്കറെ അഭിനന്ദിച്ച് സോഷ്യൽ മീഡിയയിൽ കമന്റുകൾ നിറയുകയാണ്.

A female motorcyclist picked up a garbage bag that thrown out by a driver in #Beijing and threw it back inside the vehicle pic.twitter.com/xbxPcQkQJH

— CGTN (@CGTNOfficial) September 23, 2018