ന്യൂയോര്‍ക്ക്: ജര്‍മന്‍ അത്യാഡംബര വാഹന നിര്‍മാതാക്കളായ ഫോക്സ്‌വാഗന്‍ ഗ്രൂപ്പില്‍പെട്ട കാര്‍ നിര്‍മാതാക്കളായ പോര്‍ഷെ ഡീസല്‍ കാറുകളുടെ ഉത്പാദനം നിര്‍ത്തുന്നു. മലിനീകരണ നിയന്ത്രണം ലക്ഷ്യമിട്ടാണ് നടപടിയെന്നും പെട്രോള്‍, ഇലക്‌ട്രിക്, ഹൈബ്രിഡ് എന്‍ജിനുകളുള്ള വാഹനങ്ങളുടെ നിര്‍മാണത്തില്‍ ശ്രദ്ധ കേന്ദ്രീകരിക്കാനാണ് തീരുമാനമെന്നും പോര്‍ഷെയുടെ ചീഫ് എക്സിക്യൂട്ടീവ് ഒലിവര്‍ ബ്ലൂം പറഞ്ഞു.
2015ല്‍ ഫോക്സ്‌വാഗന്‍ മലിനീകരണ നിയന്ത്രണ പരിശോധനയില്‍ കൃത്രിമം കാട്ടാനുള്ള സംവിധാനങ്ങള്‍ ശേഷിയേറിയ ഡീസല്‍ എന്‍ജിനുകളിലും ഉപയോഗിച്ചെന്ന് ഇപിഎ കണ്ടെത്തിയതിനെ തുടർന്നാണ് പോര്‍ഷെയുടെ ഡീസല്‍ എന്‍ജിനുകള്‍ ഉപേക്ഷിക്കാനുള്ള തീരുമാനത്തിലേക്ക് എത്തിയതെന്നാണ് റിപ്പോർട്ട്.
നിലവിലെ ഡീസല്‍ കാര്‍ ഉപയോക്താക്കള്‍ക്കുള്ള സേവനം തുടരും. പെട്രോള്‍ എന്‍ജിനാണു സ്പോര്‍ട്ടി ഡ്രൈവിംഗിന് കൂടുതല്‍ അനുയോജ്യം. എന്നാല്‍ ഡീസലിനെ രണ്ടാമതൊരു സാധ്യതയായി ഉപയോഗപ്പെടുത്താന്‍ സാധിക്കുമെന്നതിനാൽ ഡീസല്‍ പ്രധാനപ്പെട്ട പ്രോപല്‍ഷന്‍ സാങ്കേതിക വിദ്യയായി നിലനില്‍ക്കുമെന്നും ബ്ലൂം വ്യക്തമാക്കി.
Post Your Comments