ചെന്നൈ: വിമാനത്തില്‍ നിന്ന് യാത്രക്കാരെ പുറത്തേക്ക് കൊണ്ടു പോകുന്നതിനിടെ ഇന്‍ഡിഗോ എയര്‍ലൈന്‍സിന്റെ ബസിന് തീപിടിച്ചു. ചെന്നൈ അന്താരാഷ്ട്ര വിമാനത്താവളത്തിലായിരുന്നു സംഭവം.
അപകട സമയത്ത് അമ്പതോളം യാത്രക്കാരായിരുന്നു ബസിലുണ്ടായിരുന്നതെന്ന്. കൃത്യസമയത്ത് തീ അണയ്ക്കാൻ സാധിച്ചതിനാലാണ് വൻ ദുരന്തം ഒഴിവാക്കാനായത്.
അപകടത്തിൽ ആർക്കും പരിക്കേറ്റിട്ടില്ലായെന്നാണ് വിവരം. കഴിഞ്ഞ ദിവസം വൈകുന്നേരമാണ് അപകടം ഉണ്ടായത്. അറൈവല്‍ പോയിന്റിന് അരികില്‍ വച്ചാണ് ബസിന് തീപിടിച്ചത്. ഉടന്‍ തന്നെ ഫയര്‍ ആന്‍ഡ് റെസ്‌ക്യൂ ജീവനക്കാര്‍ എത്തി തീയണയ്ക്കുകയായിരുന്നു. സംഭവത്തിൽ അധികൃതർ അന്വേഷണം ആരംഭിച്ചിട്ടുണ്ട്.
Post Your Comments