ജിങ്കന്റെ കൂടെ ആര് ആദ്യ ഇലവനില്‍ എത്തുമെന്ന് ഉറപ്പില്ലെന്ന് അനസ്

കേരള ബ്ലാസ്റ്റേഴ്സിനെ പ്രതിനിധീകരിക്കുന്നതില്‍ തനിക്ക് അതിയായ സന്തോഷമുണ്ടെന്ന് കേരള ബ്ലാസ്റ്റേഴ്സിന്റെ സെന്റര്‍ ബാക്ക് അനസ് എടത്തൊടിക. തന്റെ കുറെ വര്‍ഷത്തെ ആഗ്രഹമാണ് സഫലമാകുന്നതെന്നും മാധ്യമങ്ങളോട് സംസാരിക്കവെ അനസ് വ്യക്തമാക്കി. സെന്റര്‍ ബാക്കില്‍ ജിങ്കനൊപ്പം ഇറങ്ങാന്‍ ആകുമോ എന്ന് അറിയില്ല. ടീമില്‍ അത്രയും മികച്ച താരങ്ങളാണ് ഉള്ളത്. അതുകൊണ്ട് തന്നെ ജിങ്കന്റെ കൂടെ ആര് ആദ്യ ഇലവനില്‍ എത്തുമെന്ന് ഉറപ്പില്ല. ടീമില്‍ ഇറങ്ങിയാലും ഇല്ലായെങ്കിലും കേരളത്തെ പ്രതിനിധീകരിക്കുന്നതില്‍ അഭിമാനമുണ്ടെന്നും അനസ് കൂട്ടിച്ചേർത്തു.