ചാലക്കുടി: വാഹനാപകടത്തില്‍ ഫാ. പോള്‍ മംഗലന്‍ മരിച്ചു. ഇരിങ്ങാലക്കൂട രൂപതയിലെ മുതിര്‍ന്ന വൈദികനും, വെള്ളിക്കുളങ്ങര പ്രസന്‍റേഷന്‍ എഫ്സി കോണ്‍വെന്‍റ് കപ്ലോനുമാണ് മരിച്ച ഫാ. പോള്‍ മംഗലന്‍. സൗത്ത് മാരാകോട് റോഡില്‍ ഇന്നു രാവിലെ 11.30നായിരുന്നു അപകടം. ബൈക്കും മിനിലോറിയുമായി കൂട്ടിയിടിച്ചാണ് അപകടം ഉണ്ടായത്.
ALSO READ:വിവാഹ വാര്‍ഷികം ആഘോഷിക്കാനിരിക്കെ പ്രവാസി മലയാളി വാഹനാപകടത്തില്‍ മരിച്ചു
അപകടം നടന്ന ഉടനെത്തന്നെ അദ്ദേഹത്തെ സെന്‍റ് ജയിംസ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.1982 ല്‍ ആണ് അദ്ദേഹം തിരിപ്പട്ടം സ്വീകരിച്ചത്. കൊടകര ഇടവകയിലെ മംഗലന്‍ കുഞ്ഞിപ്പൈലന്‍-കുഞ്ഞേല്യ ദമ്പതികളുടെ മകനാണ് ഫാ. പോള്‍ മംഗലന്‍. മൃതദേഹം സെന്‍റ് ജയിംസ് ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. സംസ്കാര ശുശ്രൂഷകള്‍ പിന്നീട് തീരുമാനിക്കും.
Post Your Comments