പൊലീസുകാരെ മണ്‍വെട്ടികൊണ്ട് അടിച്ചുവീഴ്ത്തിയ ശേഷം രക്ഷപ്പെടുന്ന പ്രതികളുടെ ദൃശ്യങ്ങൾ പുറത്ത്

ന്യൂഡൽഹി: പൊലീസുകാരെ മര്‍ദ്ദിച്ചും പൊലീസ് സ്റ്റേഷന്‍ തകര്‍ത്തും രക്ഷപെടുന്ന പ്രതികളുടെ ദൃശ്യങ്ങൾ പുറത്ത്. രണ്ട് പൊലീസുകാരെ മര്‍ദ്ദിച്ച് അബോധാവസ്ഥയിലാക്കിയാണ് മധ്യപ്രദേശിലെ പൊലീസ് സ്റ്റേഷനില്‍നിന്ന് പ്രതികള്‍ രക്ഷപ്പെട്ടത്. ആയുധവുമായി പ്രതികളിലൊരാള്‍ പൊലീസുകാരെ മര്‍ദ്ദിക്കുന്ന സിസിടിവി ദൃശ്യങ്ങള്‍ പുറത്തുവന്നു. മണ്‍വെട്ടി ഉപയോഗിച്ച് ഇയാള്‍ പൊലീസുകാരെ പിന്നില്‍നിന്ന് തലയ്ക്ക് അടിച്ചായിരുന്നു ആക്രമണം.

ALSO READ: പ്രതി പൊലീസുകാരെ തല്ലിച്ചതച്ച് സ്റ്റേഷൻ അടിച്ചു തകർത്തു

#WATCH Dramatic visuals of an undertrial prisoner viciously attacking two prison guards at a police station in Bhind on 9th September. One police personnel has been referred to Delhi for treatment, another is under treatment at a district hospital in Bhind (Source: CCTV footage) pic.twitter.com/eXEQ5eH51y

— ANI (@ANI) September 11, 2018

ഒരു പൊലീസുകാരന്‍ അടിയേറ്റ ഉടന്‍ തന്നെ കുഴഞ്ഞു വീണു. മറ്റൊരാള്‍ അക്രമിയെ തടുക്കാന്‍ ശ്രമിക്കുന്നുണ്ടെങ്കിലും മര്‍ദ്ദനമേറ്റ് നിലത്ത് വീഴുകയായിരുന്നു. പൊലീസുകാരിലൊരാള്‍ അതീവ ഗുരുതരാവസ്ഥയില്‍ ആശുപത്രിയില്‍ ചികിത്സയിലാണ്. 25 കാരനായ വിഷ്ണു രജാവത് ആണ് പൊലീസ് സ്റ്റേഷന്‍ ആക്രമിച്ച് രക്ഷപ്പെടാന്‍ ശ്രമിച്ചത്. സംഭവം നടന്ന് മണിക്കൂറുകള്‍ക്കുള്ളില്‍ തന്നെ ഇരുവരെയും പിടികൂടുകയായിരുന്നു.