ദുബായ്: ദുബൈയിലെ ഒരു ഷോപ്പിംഗ് മാളിലെ എസ്കലേറ്ററിൽ കാൽ കുടുങ്ങിയ നാല് വയസ്സുകാരിയെ ദുബായ് പോലീസ് രക്ഷിച്ചു. സ്നീകേഴ്സ് ധരിച്ചിരുന്ന കുട്ടിയുടെ കാൽ എസ്കലേറ്ററിന്റെ ഇടയ്ക്ക് കുടുങ്ങുകയായിരുന്നു. ഉടനെ തന്നെ എസ്കലേറ്ററിന്റെ പ്രവർത്തനം നിലച്ചതിനാൽ വലിയ അപകടം ഒഴിവായി.
സംഭവം അറിഞ്ഞ ഉടനെ തന്നെ ദുബായ് പോലീസ് സ്ഥലത്തെത്തുകയും സ്നീകേഴ്സ് മുറിച്ച് കുട്ടിയുടെ കാൽ പുറത്തെടുക്കുകയും ചെയ്‌തെന്ന് ദുബായ് പോലീസ് സെർച്ച് ആൻഡ് റെസ്ക്യൂ ടീമിന്റെ തലവൻ അബ്ദുള്ള ബിഷു അറിയിച്ചു. എല്ലാ എസ്കലേറ്ററുകളും ഓട്ടോമാറ്റിക് സുരക്ഷാ സംവിധാനങ്ങളോടെയാണ് പ്രവർത്തിക്കുന്നതെന്നും അത്യാഹിത ഘട്ടങ്ങളിൽ ആക്കും എമർജൻസി സ്റ്റോപ്പ് ബട്ടൺ അമർത്തി അപകടമൊഴിവാക്കാമെന്നും അദ്ദേഹം കൂട്ടിച്ചേർത്തു.
Post Your Comments