കായംകുളം•മദ്രസ വിദ്യാര്‍ഥിനിയെ പീഡിപ്പിക്കാന്‍ ശ്രമിച്ചെന്ന പരാതിയില്‍ ഇമാം അറസ്റ്റില്. പുത്തന്‍തെരുവ് ജുമാ മസ്ജിദ് ഇമാമായിരുന്ന ആദിക്കാട്ടുകുളങ്ങര തറയില്‍തെക്കതില്‍ മുഹമ്മദ് ഷിയാഖ് ജൗഹരിയെയാണ് (35) പോക‌്സോ നിയമപ്രകാരം കായംകുളം പൊലീസ് അറസ്റ്റ് ചെയ‌്തത്. ഇമാമിനെ അറസ്റ്റ് ചെയ‌്തതില്‍ പ്രതിഷേധിച്ച്‌ ഒരു സംഘം പൊലീസ് സ്റ്റേഷനില്‍ തടിച്ച്‌ കൂടിയത് സംഘര്‍ഷത്തിന് ഇടയാക്കി.
ജൂലൈ 15 നാണ് കേസിനാസ്പദമായ സംഭവം. മദ്രസയിലെത്തിയ വിദ്യാര്‍ഥിനിയോട് അപമര്യാദയായി പെരുമാറിയെന്നായിരുന്നു ആക്ഷേപം. സംഭവം വിവാദമായതോടെ ഇദ്ദേഹം രാജിവെച്ച്‌ പോയിരുന്നു. എന്നാല്‍ രണ്ട് ദിവസംമുമ്പ് ഇദ്ദേഹം ഇതേ പള്ളിയില്‍ വീണ്ടും ഇമാമായി ചുമതല ഏറ്റതോടെയാണ് പെണ്‍കുട്ടിയുടെ ബന്ധുക്കള്‍ പൊലീസിനെ സമീപിച്ചത്.
കായംകുളം ഫസ്റ്റ്ക്ലാസ്സ് മജിസ്ട്രേറ്റ് കോടതിയില്‍ ഹാജരാക്കിയ ഇമാമിനെ റിമാന്റ‌് ചെയ‌്‌തു.
Post Your Comments