ടോക്കിയോ: കൊടുങ്കാറ്റില്‍ ആടിലുലഞ്ഞ യാത്രാവിമാനത്തിന്റെ വീഡിയോ പുറത്ത്. ജപ്പാനിലെ ടോക്കിയോയിലെ നരിറ്റ വിമാനത്താവളത്തില്‍ ലാന്‍ഡിങ്ങിന് ശ്രമിച്ച വിമാനമാണ് കൊടുങ്കാറ്റില്‍ ആടിയുലഞ്ഞത്. എന്നാല്‍ പൈലറ്റിന്റെ അസാമാന്യമായ ധൈര്യത്തില്‍ വിമാനം അപകടത്തില്‍പ്പെട്ടില്ല. റണ്‍വേയില്‍ ഇറങ്ങാന്‍ ശ്രമിക്കുമ്പോഴാണ് ശക്തമായ കാറ്റില്‍ എഎന്‍എ ഡ്രീംലൈനര്‍ വിമാനം ആടിയുലഞ്ഞത്.
ഇതോടെ ഒരു നിമിഷം മൂക്കുകുത്തി താഴോട്ട് നീങ്ങിയ വിമാനം ഉടന്‍ തന്നെ പൂര്‍വസ്ഥിതിയിലാകുകയായിരുന്നു. സംഭവത്തിന്റെ വീഡിയോ ദൃശ്യങ്ങള്‍ ഞെട്ടിക്കുന്നതാണ്. യാത്രക്കാരെല്ലാം സുരക്ഷിതരാണെന്ന് വിമാനത്താവള അധികൃതര്‍ അറിയിച്ചു. ക്രോസ് വിന്‍ഡ് പ്രതിഭാസമാണ് വിമാനത്തെ പ്രതിസന്ധിയിലാക്കിയതെന്നാണ് വിവരം. അതേസമയം രണ്ടാമത്തെ ശ്രമത്തില്‍ പൈലറ്റ് വിമാനം സുരക്ഷിതമായി നിലത്തിറക്കി.
Post Your Comments