നാലാം ടെസ്റ്റ്: ഇംഗ്ലണ്ടിന് ബാറ്റിംഗ് തകർച്ച, മധ്യനിര പൊരുതുന്നു

സൗത്താംപ്ടൺ: ഇന്ത്യയ്ക്കെതിരെ സൗത്താംപ്ടണ്‍ ടെസ്റ്റില്‍ ഇംഗ്ലണ്ടിന് ബാറ്റിംഗ് തകർച്ച. ടോപ് ഓര്‍ഡര്‍ തകര്‍ന്നതിനു ശേഷം മധ്യനിരയുടെ സഹായത്തോടെയാണ് ഇംഗ്ലണ്ട് നൂറ് റണ്‍സ് കടന്നത്. 86/6 എന്ന നിലയിലേക്ക് വീണ ഇംഗ്ലണ്ടിനെ ഏഴാം വിക്കറ്റില്‍ മോയിന്‍ അലിയും സാം കറനും ചേര്‍‍ന്ന് 53 റണ്‍സ് കൂടി ചേര്‍ന്ന് ചായയ്ക്കായി പിരിയുമ്പോൾ 139/6 എന്ന നിലയിലാണ്. 30 റണ്‍സുമായി മോയിന്‍ അലിയും 27 റണ്‍സ് നേടിയ സാം കറനുമാണ് ഇപ്പോള്‍ ക്രീസില്‍ നില്‍ക്കുന്നത്. ഇന്ത്യയ്ക്കായി മുഹമ്മദ് ഷമി, ജസ്പ്രീത് ബുംറ എന്നിവർ രണ്ടും ഇഷാന്ത് ശര്‍മ്മ, ഹാര്‍ദ്ദിക് പാണ്ഡ്യ എന്നിവര്‍ ഓരോ വിക്കറ്റും നേടി.

Also Read: ഏഷ്യൻ ഗെയിംസ് അത്‌ലറ്റിക്‌സ്: 4×400 മീറ്റർ റിലേയിൽ വനിതകൾ സ്വർണ്ണം നേടിയപ്പോൾ പുരുഷ ടീമിന് വെള്ളി