ആലപ്പുഴ: രോഗബാധിതയായ സ്ത്രീയെയും വഹിച്ച്‌ കൊണ്ടുള്ള എയര്‍ ആംബുലന്‍സിന് വേണ്ടി തന്റെ യാത്ര വൈകിപ്പിച്ച്‌ കോണ്‍ഗ്രസ് അദ്ധ്യക്ഷന്‍ രാഹുല്‍ ഗാന്ധി. ചെങ്ങന്നൂര്‍ ക്രിസ്ത്യന്‍ കോളേജ് ഗ്രൗണ്ടിലാണ് സംഭവം. പ്രളയബാധിത പ്രദേശങ്ങൾ സന്ദർശിച്ച ശേഷം ചെങ്ങന്നൂരില്‍ നിന്നും ആലപ്പുഴയിലേക്ക് പോകാനായാണ് രാഹുല്‍ ഗാന്ധി ക്രിസ്ത്യന്‍ കോളേജ് ഗ്രൗണ്ടിലെ ഹെലിപ്പാഡിലേക്ക് എത്തിയത്. ഇതേസമയം രോഗിയായ സ്ത്രീയെ കോട്ടയത്തെ ആശുപത്രിയിലേക്ക് കൊണ്ടുപോകാന്‍ എയര്‍ ആംബുലന്‍സും അവിടെ എത്തിയിരുന്നു.
Read also: പ്രളയബാധിത പ്രദേശങ്ങള്‍ സന്ദര്‍ശിക്കാൻ രാഹുല്‍ ഗാന്ധി ഇന്ന് കേരളത്തിൽ എത്തും
ഇക്കാര്യം അറിഞ്ഞ രാഹുല്‍ എയര്‍ ആംബുലന്‍സ് പോയ ശേഷം മതി തന്റെ യാത്രയെന്ന് അറിയിച്ചു. തുടര്‍ന്ന് എയര്‍ ആംബുലന്‍സ് തിരിച്ച ശേഷമാണ് രാഹുല്‍ ആലപ്പുഴയിലേക്ക് തന്റെ യാത്ര തുടര്‍ന്നത്. ദൃശ്യങ്ങള്‍ ഇപ്പോൾ ശ്രദ്ധ പിടിച്ചുപറ്റുകയാണ്.
Post Your Comments