കൊല്‍ക്കത്ത : കാണാതായ വീട്ടമ്മയുടെ മൃതദേഹം കായലിന് സമീപത്ത് നിന്ന് കണ്ടെത്തി. കണ്ടെത്തുമ്പോള്‍ മൃതദേഹത്തില്‍ വസ്ത്രങ്ങളുണ്ടായിരുന്നില്ല. ബംഗാളിലെ കുച്ചാബേരിയ ഗ്രാമത്തിലാണ് നാടിനെ നടുക്കിയ സംഭവം ഉണ്ടായത്. മുപ്പത്തിയഞ്ച് വയസുകാരിയായ റൂണാ ലൈല ഖാന്റെ ശരീരമാണ് കായലിന് സമീപത്ത് നിന്ന് കണ്ടെത്തിയത്. വീട്ടമ്മയെ ക്രൂരമായി ബലാത്സംഗം ചെയ്തതിനു ശേഷം കൊന്ന് കായലില്‍ ഉപേക്ഷിക്കുകയായിരുന്നുവെന്ന് പൊലീസ് പറഞ്ഞു.
Read Also : ബലാത്സംഗ ശ്രമത്തിനിടെ വീട്ടമ്മയുടെ കൊലപാതകം: നടന്നത് സമാനതകളില്ലാത്ത ക്രൂരത; പ്രതിയുടെ ഞെട്ടിക്കുന്ന മൊഴി
എല്ലാദിവസവും വൈകിട്ട് റൂണാ അവരുടെ വീട്ടിലേക്ക് പോകാറുണ്ടായിരുന്നുവെന്ന് ഭര്‍ത്താവ് പറഞ്ഞു. തിങ്കളാഴ്ച്ച വൈകിട്ടായിട്ടും റൂണ വീട്ടില്‍ എത്താത്തതിനെ തുടര്‍ന്ന് ഭര്‍ത്താവും അയല്‍വാസികളും ചേര്‍ന്ന് ഗ്രാമം മുഴുവനും അന്വേഷിച്ചിറങ്ങുകയായിരുന്നു. വീടിന് സമീപത്തുള്ള കാട്ടില്‍ നിന്ന് റൂണയുടെ ഷൂസുകള്‍ കണ്ടെത്തിയതിനെ തുടര്‍ന്ന് കായലിന് സമീപത്ത് നിന്ന് റൂണയുടെ നഗ്നശരീരം ഭര്‍ത്താവ് കണ്ടെത്തുകയായിരുന്നു.. അയല്‍വാസികള്‍ ചേര്‍ന്ന് പിന്നീട് പൊലീസില്‍ വിവരം അറിയിക്കുകയായിരുന്നു. റൂണാ അണിഞ്ഞിരുന്ന സ്വര്‍ണ്ണാഭരണങ്ങള്‍ നഷ്ടപ്പെട്ടതായും ഭര്‍ത്താവ് പൊലീസില്‍ പരാതിപ്പെട്ടു. യുവതിക്ക് മറ്റ് അവിഹിതബന്ധം ഉണ്ടായിരുന്നുവോ എന്നതിനെ സംബന്ധിച്ച് അന്വേഷിക്കുന്നുണ്ടെന്ന് പൊലീസ് പറഞ്ഞു. വീട്ടമ്മയുടെ ശരീരം പോസ്റ്റുമോര്‍ട്ടത്തിനായി അയച്ചിരിക്കുകയാണ്.
Post Your Comments