പോലീസ് ഉദ്യോഗസ്ഥന്റെ മൃ​ത​ദേ​ഹം ക​ണ്ടെ​ത്തി

പാ​ല​ക്കാ​ട്: പു​ഴ​യി​ല്‍ കാ​ണാ​താ​യ പോ​ലീ​സു​കാ​ര​ന്‍റെ മൃ​ത​ദേ​ഹം ക​ണ്ടെ​ത്തി. ക​സ​ബ പോ​ലീ​സ് സ്റ്റേ​ഷ​നി​ലെ ക​ണ്ണാ​ടി പാ​ണ്ടി​യോ​ട് റി​നി​ല്‍ (45) ലി​ന്‍റെ മൃ​ത​ദേ​ഹ​മാ​ണ് യാ​ക്ക​ര പു​ഴ​യി​ല്‍ നിന്ന് കണ്ടെത്തിയത്. പു​ഴ​യി​ല്‍ ത​ട​യ​ണ​യ്ക്കു സ​മീ​പത്തായി ഇ​ന്നു​ രാ​വി​ലെയാണ് മൃതദേഹം കണ്ടെത്തിയത്. ഞായറാഴ്ച രാ​വി​ലെ മു​ത​ല്‍ ഇ​യാ​ളെ കാ​ണാ​താ​യി​രു​ന്നു. പുലര്‍ച്ചെ 5.30 യോ​ടെ ക​സ​ബ സ്റ്റേ​ഷ​നി​ല്‍ നി​ന്നും ജോലി കഴിഞ്ഞ് വീട്ടിലേക്ക് പോകും വഴിയാണ് ഇയാളെ കാണാതായത്. വ​ട​ക്ക​ന്ത​റ​യി​ലു​ള്ള പോ​ലീ​സ് ക്വാ​ര്‍​ട്ടേ​ഴ്സി​ലാ​ണ് റി​നി​ലും ഭാ​ര്യ​യും താ​മ​സി​ച്ചി​രു​ന്ന​ത്.

ALSO READ: പു​ഴ​യി​ല്‍ ചാ​ടി​യ ആത്മഹത്യ ചെയ്‌ത കുടുംബത്തിലെ ഒ​രാ​ളു​ടെ മൃ​ത​ദേ​ഹം കൂ​ടി ക​ണ്ടെ​ത്തി

റി​നി​ലി​നെ കാ​ണാ​താ​യ​പ്പോ​ള്‍ ഭാ​ര്യ സ്റ്റേ​ഷ​നി​ല്‍ വി​ളി​ച്ച്‌ അ​ന്വേ​ഷി​ക്കു​ക​യാ​യി​രു​ന്നു. തു​ട​ര്‍​ന്ന് സൈ​ബ​ര്‍ സെ​ല്ലി​ന്‍റെ അ​ന്വേ​ഷ​ണ​ത്തി​ല്‍ റി​നി​ലി​ന്‍റെ ഫോ​ണ്‍ യാ​ക്ക​ര പു​ഴ​യോ​ര​ത്തു​ണ്ടെ​ന്ന് ക​ണ്ടെ​ത്തി. പോ​ലീ​സ് സം​ഘം പു​ഴ​യോ​ര​ത്ത് എ​ത്തി​യ​പ്പോ​ള്‍ റി​നി​ലി​ന്‍റെ ബൈ​ക്കും പേ​ഴ്സും ഓ​ഫാ​ക്കി​യ മൊ​ബൈ​ലും ക​ണ്ടെ​ത്തു​ക​യാ​യി​രു​ന്നു.