ഇംഗ്ളണ്ട് ഫാസ്റ്റ് ബൗളർ ആൻഡേഴ്‌സണെ പുകഴ്ത്തി ഓസ്‌ട്രേലിയൻ ഇതിഹാസം ഗ്ലെൻ മക്ഗ്രാത്ത്

മെൽബൺ: ടെസ്റ്റ് ക്രിക്കറ്റില്‍ ഏറ്റവും അധികം വിക്കറ്റ് നേടുന്ന ഫാസ്റ്റ് ബൗളര്‍ റെക്കോർഡ് ജെയിംസ് ആന്‍ഡേഴ്സണ്‍ സ്വന്തമാക്കുമെന്ന് ഓസ്‌ട്രേലിയൻ ഇതിഹാസ താരം ഗ്ലെന്‍ മക്ഗ്രാത്ത്. 557 വിക്കറ്റുകളാണ് ആൻഡേഴ്‌സൺ ഉടനെ തന്നെ തന്റെ വിക്കറ്റ് നേട്ടം മറികടക്കുമെന്നും കാലതാമസമില്ലാതെ തന്നെ 600 വിക്കറ്റും സ്വന്തമാക്കുമെന്നും ഓസ്ട്രേലിയന്‍ ഇതിഹാസം പറയുന്നു. നിലവിൽ ടെസ്റ്റ് ക്രിക്കറ്റിൽ ഏറ്റവും അധികം വിക്കറ്റ് നേടിയ ഫാസ്റ്റ് ബൗളർ എന്ന റെക്കോർഡ് 563 വിക്കറ്റുകൾ നേടിയ മക്ഗ്രാത്തിന്റെ പേരിലാണ്.

Also Read: ഏഷ്യൻ ഗെയിംസ് 2018 : വനിതാ ഹോക്കിയിൽ ഇന്ത്യയ്ക്ക് ജയം

നിലവില്‍ 800 വിക്കറ്റ് നേടിയ മുത്തയ്യ മുരളീധരനാണ് ടെസ്റ്റിൽ ഏറ്റവും കൂടുതൽ വിക്കറ്റുകൾ നേടിയ പട്ടികയില്‍ ഒന്നാമത്. ഷെയിന്‍ വോണ്‍ 708 വിക്കറ്റുമായി രണ്ടാം സ്ഥാനത്തുണ്ട്. മൂന്നാമതുള്ളത് 619 വിക്കറ്റ് നേടിയ മുൻ ഇന്ത്യൻ സ്പിന്നർ അനില്‍ കുംബ്ലെയാണ്.