ന്യൂഡല്‍ഹി: സംസ്ഥാനത്തുണ്ടായ മഹാ ദുരന്തത്തില്‍ നിന്നും കേരളം ഇതുവരെ മുക്തമായിട്ടില്ല. അതിനിടയിലാണ് അമേരിക്കന്‍ ബഹിരാകാശ ഏജന്‍സിയായ നാസ പുതിയ റിപ്പോര്‍ട്ടുകളുമായി രംഗത്തെത്തിയിരിക്കുന്നത്. സംസ്ഥാനത്തുണ്ടായത് കഴിഞ്ഞ ശതാബ്ദത്തില്‍ ഇന്ത്യ നേരിട്ട ഏറ്റവും വലിയ പ്രളയമാണെന്ന് നാസ വ്യക്തമാക്കി. ജൂണ്‍ മാസം തുടക്കം മുതല്‍ തന്നെ സാധാരണയില്‍നിന്നു 42 ശതമാനം കൂടുതല്‍ മഴ പെയ്തതായും ഓഗസ്റ്റ് മാസം ആദ്യ 20 ദിവസങ്ങളില്‍ സാധാരണയില്‍നിന്നു 164 ശതമാനം വര്‍ധിച്ച മഴ പെയ്തതതായും നാസയുടെ എര്‍ത്ത് ഒബ്സര്‍വേറ്ററി രേഖപ്പെടുത്തി.
കഴിഞ്ഞ ആഴ്ചയില്‍ ഇന്ത്യയില്‍ പെയ്ത മഴയുടെ കണക്കുകള്‍ അപഗ്രഥിച്ചാണ് നാസയുടെ ഇത്തരത്തിലുള്ള ഒരു നിഗമനം. കൂടാതെ കേരളത്തിലെയും കര്‍ണാടകത്തിലെയും പ്രളയദൃശ്യങ്ങള്‍ വ്യക്തമാക്കുന്നതാണ് ഉപഗ്രഹങ്ങള്‍ പകര്‍ത്തിയ ചിത്രവും നാസ പുറത്തുവിട്ടു. ചിത്രം കൂടാതെ വീഡിയോയും നാസ പുറത്തുവിട്ടിട്ടുണ്ട്. ജൂലൈ 19 മുതല്‍ ഓഗസ്റ്റ് 18 വരെ പെയ്ത മഴയുടെ തോത് വീഡിയോയില്‍ വ്യക്തമാക്കിയിട്ടുണ്ട്.
Also Read : പ്രളയ ദുരന്തത്തിൽ കേരളത്തിന് സഹായവുമായി സുപ്രീംകോടതി ചീഫ് ജസ്റ്റിസ് ദീപക് മിശ്ര
കേരളത്തിലെയും കര്‍ണാടകത്തിലെയും പ്രളയദൃശ്യങ്ങള്‍ വ്യക്തമാക്കുന്നതാണ് ഉപഗ്രഹങ്ങള്‍ പകര്‍ത്തിയ വീഡിയോ. നാസയുടെ തന്നെ ഗ്ലോബല്‍ പ്രസിപ്പിറ്റെഷന്‍ മെഷര്‍മെന്റ് മിഷന്‍ കോര്‍ സാറ്റലൈറ്റ് ആയ ജിപിഎം പകര്‍ത്തിയ സാറ്റലൈറ്റ് ചിത്രങ്ങളാണു പുറത്തുവിട്ടത്. കേരളത്തിലും കര്‍ണാടകയിലും കനത്തനാശം വിതച്ച മഴയുടെ ശക്തി സൂചിപ്പിക്കുന്നതാണു ചിത്രം.
Post Your Comments