ആന്ധ്രാപ്രദേശ്: വിദ്യാർത്ഥിനിയെ പീഡിപ്പിച്ച് ഗര്‍ഭിണിയാക്കിയ അധ്യാപകനെ നാട്ടുകാര്‍ കൈകാര്യം ചെയ്‌തു. നാട്ടുകാർ അധ്യാപകനെ മര്‍ദ്ദിച്ച്‌ നഗ്നനാക്കി തെരുവിലൂടെ നടത്തി. ആന്ധ്രാപ്രദേശിലെ തെക്ക് ഗോദാവരി ജില്ലയിലെ എലുരു എന്ന സ്ഥലത്താണ് സംഭവം. 18കാരിയായ വിദ്യാര്‍ഥിനിയെ രാംബാബു എന്ന അധ്യാപകൻ കഴിഞ്ഞ രണ്ടു വര്‍ഷത്തോളമായി ലൈംഗികമായി പീഡിപ്പിച്ച് വരികയായിരുന്നു.
ALSO READ: പ്രായപൂർത്തിയാവാത്ത നടനെ പീഡിപ്പിച്ചു; കാശ് കൊടുത്ത് കേസ് നടി ഒത്തുതീര്‍പ്പാക്കി!!
പെണ്‍കുട്ടി ഗര്‍ഭിണിയായതോടെ ഗര്‍ഭം അലസിപ്പിക്കാന്‍ ഇയാള്‍ ഗുളികകള്‍ നല്‍കി. ഗുളികകള്‍ കഴിച്ച പെണ്‍കുട്ടി അവശയാകുകയും രക്തശ്രാവം ഉണ്ടാവുകയും ചെയ്‌തു. ചോദ്യം ചെയ്യലില്‍ പീഡനവിവരം പെണ്‍കുട്ടി മാതാപിതാക്കളോട് വ്യക്തമാക്കിയതോടെ നാട്ടുകാരും കുട്ടിയുടെ ബന്ധുക്കളും ചേര്‍ന്ന് അധ്യാപകനെ പിടികൂടി മര്‍ദ്ദിച്ചു. നഗ്നനാക്കിയ ശേഷം രാംബാബുവിന്റെ കൈകള്‍ ബന്ധിച്ച്‌ എളുരുവിലെ തിരക്കുള്ള റോഡിലൂടെ നടത്തിച്ചു. പോലീസ് പ്രതിയെ കസ്റ്റഡിയിലെടുത്തു.
Post Your Comments