പ്രളയ ദുരിതത്തിലകപ്പെട്ട കേരളത്തെ കരകയറ്റാന്‍ സഹായവുമായി ഇന്ത്യൻ ക്രിക്കറ്റ് ടീം. മാച്ച്‌ ഫീസ് മു‍ഴുവന്‍ കേരളത്തിന്‍റെ ദുരിതാശ്വാസ നിധിയിലേക്ക് ടീം സംഭാവന ചെയ്യുകയാണ്. അഞ്ച് മത്സരങ്ങളുള്ള ഇന്ത്യ ഇംഗ്ലണ്ട് ടെസ്റ്റ് സീരീസിലെ മൂന്നാം മത്സരത്തില്‍ ഇംഗ്ലണ്ടിനെ തോല്‍പ്പിച്ച ശേഷം ഇന്ത്യൻ നായകൻ വിരാട് കോഹ്ലിയാണ് ഇക്കാര്യം അറിയിച്ചത്. ദൈവത്തിന്‍റെ സ്വന്തം നാട് അതിജീവനത്തിന്‍റെ പാതയിലാണ് നിരവധിപേര്‍ അവര്‍ക്കൊപ്പം നില്‍ക്കുന്നു. ടീം ഇന്ത്യ എന്ന നിലയില്‍ ഞങ്ങളും അവര്‍ക്കൊപ്പമാണെന്ന് കോഹ്ലി പറയുകയുണ്ടായി.
Read also: പ്രളയ ദുരന്തം : കേരളത്തിന് സഹായഹസ്തവുമായി ഈ സംസ്ഥാനങ്ങൾ
പതിനഞ്ച് ലക്ഷം രൂപയാണ് ഒരു മത്സരത്തില്‍ ഇന്ത്യന്‍ താരങ്ങള്‍ക്ക് ലഭിക്കുക. ടീം അംഗങ്ങള്‍ മു‍ഴുവനായും ഈ തുക നൽകുമ്പോൾ ഇത് ഏകദേശം രണ്ട് കോടിയോളം വരുമെന്നാണ് സൂചന.
Post Your Comments